Мәдениет

САНДЫҚ ТЕЛЕДИДАР САПАСЫМЕН ҚҰНДЫ

2013 жылы аналогтық телехабар тарату желісінен сандық эфирлік желіге көшу бойынша көп жұмыс атқарылды. Сөйтіп, барлық облыс орталықтарындағы 1150 елді мекендегі шамамен 8 миллион қазақстандық отандық телеарналарды жаңа форматта көруге мүмкіндік алды. Осыған дейін бір-екі телеарнаны ғана тамашалап келген шалғай ауыл тұрғындары 15 арнаға, облыс орталықтарының тұрғындары 30 шақты телеарнаға қосыла алады. «Сандық телевизияның» артықшылықтары мен басым бағыттары, өңіріміздегі даму барысы жөнінде «Қазтелерадио» АҚ Атырау облыстық филиалының директоры Дархан Шапхатұлы ХҰСЫНОВТАН сұраған едік.
- Дархан Шапхатұлы, Атырау облысында сандық эфирлік телехабар тарату желісі 2013 жылдың 20 желтоқсанынан бастап жұмыс істей бастады. Бұл телекөрермендер үшін өте жағымды жаңалық. Желіні іске қосу барысында, әсіресе біздің облысымызда, қандай жұмыстар атқарылды?

Читать далее »

ЖАЙЫҚ ӘНМЕН ЖАҢҒЫРДЫ

Батыс Қазақстан облысының Атырау өңіріндегі мәдениет күндерінен кейінгі ой
Елбасының тапсырмасына сәйкес еліміздің облыстарында мәдени күндерді ұйымдастыру халықтың рухани жан-дүниесінің кеңеюіне жағдай жасады. Міне, Атырауда Батыс Қазақстан облысының мәдениет күндерінің өтуі мамыр айындағы басты жаңалық болды.

Читать далее »

ҰЛЫ ДАЛА РУХЫН АСҚАҚТАТҚАН

Әзидолла Есқалиев атындағы «Алтын домбыра» республикалық күй сайысы жас таланттарды танытты
Қазақ күй өнерінің саңлағы, әйгілі композитор Әзидолла Есқалиев биыл сексеннің сеңгіріне шығып отыр. Ол – Қазақстанның халық әртісі, «Құрмет» орденінің иегері, профессор. Еліміз оны қазақтың күйін әлемге танытушы, күй атасы Құрманғазы мен Динаның дәстүрлі ісін алға жалғастырушы тұлға ретінде бағалайды. Тау тұлғаның мерейлі жасына орай «Әзидолла Есқалиев» атты кітап жарық көрді. Жаңа туындының тұсауын облыс әкімі Бақтықожа Ізмұхамбетов кесті.

Читать далее »

Айдар БАТЫРХАНОВ: «ОРАЛДЫҢ ҮЗДІК ӨНЕРІН АТЫРАУҒА СЫЙЛАЙМЫЗ»

Батыс Қазақстан облысының Атыраудағы мәдениет күндерінің өтуіне орай атыраулықтардың көкейінде «Орал жұрты қандай өнерімен таңғалдырады?» деген сұрақ тұратыны белгілі. Бұл сауалдарды Батыс Қазақстан облысының Мәдениет басқармасының басшысы Айдар БАТЫРХАНОВҚА қойған едік.

Читать далее »

Қатимолла БЕРДІҒАЛИЕВ, әнші, жыршы-термеші, айтыскер ақын, Қазақстанның еңбек сіңірген қайраткері: «ҚАЗАҚТЫҢ БОЛМЫСЫ – ДӘСТҮРЛІ ӘНДЕРДЕ»

- Дәстүрлі әннің дәріптелуі қаншалықты өз деңгейінде? Өйткені, соңғы кездері «қара домбыра мұражайдағы жәдігерге айналып қалады-ау» деген пікірлер де жиі айтыла бастады...
- Жалпы, Батыс Қазақстан өлкесінде дәстүрлі әндердің дәріптелу деңгейі жаман емес. Шәкірттерді оқыту әдіснамасы, әсіресе, соңғы кездері жақсы жетіліп келеді. Өз басым Оралда он сегіз жыл бойы музыка колледжінде дәстүрлі әннен сабақ бердім. Осы 18 жылдың ішінде көптеген шәкірттерді баулып, қияға қанат қақтырдым. Бүгінде Қайрат Кәкімов, Ерлан Өмірәлі, Күләш Қуанышқалиева атты шәкірттеріммен мақтана аламын. Дейтұрғанмен, тыңдаушыларымыз дәстүрлі әннің қадірін түсінбей жүрген сияқты. Халық негізінен ырғақты музыкаларға, Батыстың даңғаза әндеріне бейімделіп барады. Мұны, әсіресе, тойларда бай-қаймыз. Кезінде Жамал, Рабиға апаларымыз әндерді фортепиано, баянмен нақышына келтіріп тұрып орындайтын. Қазір тіпті күйді де эстрадамен сүйемелдейтін жағдайға жеттік. Қазағымыз «бояушы, бояушы дегенге сақалын бояпты» деп жатады ғой. Сол секілді тыңдармандардың көңілінен шығамыз деп жүріп, әрлеушілеріміз күйдің де, дәстүрлі әннің де берекетін кетіріп алды. Тыңдармандарымыз оның ар жағында қаймағы бұзылмаған қазақы болмыстағы әндерімізден алшақтап барады...

ЖАҚАНОВТЫҢ ЖАҢА ҚЫРЫ

Өмір бойы оқу, іздену, үйрену, алға ұмтылу адамға ерік-жігер ғана бермейді, оның тағы бір қырынан танылуына септігін тигізеді. Яғни, бұл – білімде «болдым», «толдым» деген түсінік жоқ екенінің дәлелі. Өмірлік ұстанымы осы тәмсілге саятын Қазақстан және Қырғызстан Республикаларының еңбек сіңірген қайраткері, музыка зерттеушісі, көрнекті сазгер Илья Жақанов Х.Досмұхамедов атындағы Атырау мемлекеттік университетін бейнелеу өнері және сызу мамандығы бойынша тәмамдады. Сексен жасқа қараған шағында өнер иесі дипломдық жұмысын Ш.Сариев атындағы облыстық өнер мұражайында қорғады.

Читать далее »

КҮЙ-ДӘУРЕН

Өткен ғасырдың алпысыншы жылдарының басы еді. Онда қырда – Нарынның қызыл құмында жылқы бағып, шет қонған біздің үйге айына бір-екі рет орта қапшық газет-журнал, пошта келеді. Тізбелесең – аудандықтан бастап, облыстікі, республиканікі, әй, қойшы, бәрі бар. Дәл сол қыста анам ауырып, мен орталықтағы мектепке бара алмай қалдым. Соған сай үй маңында бір басыма жетерлік әжептәуір жұмыс болды. Ертеңгілік қорадағы төрт-бес сиырдың қиын алып, астын тазалау, он шақты қой-ешкі тағы бар. Одан қалса, қашықтығы үйден бір шақырымға жуық қызылтақтағы құдыққа әлгі малды айдап барып, суарамын. Күн ашық-жарық болса, ауыл сыртына жайылысқа айдаймын. Қайтарда сол құдықтан иінағашпен шүмпілдетіп екі шелек су алып қайтамын. Түстен соң тағы да сол жаққа сапар шегу мойнымда. Отын жару, кешкі малдың жатағын әзірлеу, алдарына пішен салу, тағысын тағылар жетіп артылады.

Читать далее »

«АҚ СҰҢҚАРЫМ» ӨНЕРЛІ БАЛАНЫҢ ЖОЛЫН АШТЫ

қызылқоғалықтар Түркияда қазақ әнін шырқайды
Аудан орталығындағы Миялы балалар өнер мектебі осыдан үш жыл бұрын шаңырақ көтерген болатын. Өнер ордасында қазіргі таңда 182 оқушы домбыра, сырнай, қобыз, дәстүрлі ән, бейнелеу өнері, би сыныптары бойынша қазақтың байырғы төл өнерінен нәр алуда. Мектеп ұжымы аудандық, облыстық сайыстардан басқа, республикалық, халықаралық дәрежедегі өнер додаларына белсене араласуда.

Читать далее »

САРАЙШЫҚТА ТҰНҒАН СЫР…

ол туралы жаңа туындының тұсауы кесілді
Ғ.Сланов атындағы облыстық ғылыми-әмбебап кітапханасында ҚР Мәдениет қайраткері, Қазақстан Жазушылар және Журналистер Одағының мүшесі, халықаралық қоғамдық-саяси «Қазақстан - Zaman» газетінің бас редакторы Ертай Айғалиұлының «Сарайшық ханшасы және Иван Грозный» атты кітабының тұсаукесер рәсімі өткізілді. Шараға облыс әкімінің орынбасары Шыңғыс Мұқан қатысып, жылы лебізін білдірді.

Читать далее »

«ТӘУЕЛСІЗ ЕЛІМ БАР!»

Ақындар елдік пен бірлікті жырға қосты
Аймақтық ақындар айтысы Атырауда біраздан бері өтпеп еді. Мұндай аламанның бір жақсы тұсы - жергілікті шайырлардың талабын ұштап, талантын шыңдайды, үлкен додаларға тайсалмай шығуға септік етеді. Өткен сенбіде Махамбет атындағы драма театрында болған Атырау, Маңғыстау, Ақтөбе, Батыс Қазақстан облыстары ақындарының аламан айтысы сондықтан да рухани мейрамға айналды. Сөз майданына түсіп, салиқалы ой айта алатын бір шоғыр жастар өсіп келе жатқанына көрермен ерекше қуанды. Халықтың қошеметіне кенелген ақындар да разы.

Читать далее »