Мәдениет

КӨПЕН КӨКТЕМДЕ КЕЛЕДІ!..

«Атыраулықтар «ғали» деген тіркесті жиі қолданады. Атырауға Көпен болып келіп, Көпенғали болып кері қайтып барам». Бұл белгілі журналист, сықақшы, Қазақстанның еңбек сіңірген қайраткері, Президент сыйлығы мен халықаралық «Алаш» сыйлығының лауреаты, «Парасат» орденінің иегері және сатиралық «Ара» газетінің редакторы Көпен Әмірбектің мұнайлы өлкеге бір кездері келгенде айтып кеткен қалжыңы болатын. Енді араға 15 жыл салып, ағамыз Атырау өңіріне тағы да ат басын тіреді. Елге келгенін ести сала, оны редакциямызға шақырып, сұхбаттасуды жөн көрдік.

Читать далее »

КҮЙШІЛІК БАСТАЛҒАН ҒОЙ КІШКЕНТАЙДАН…

Жуырда Атырау қалалық мектептен тыс жұмыс орталығында ұлы күйші, сазгер Құрманғазы Сағырбайұлының құрметіне арналған «Күй атасы Құрманғазы» атты жас күйшілердің екінші қалалық байқауы өтті. Оған қала мектептерінен 17 оқушы қатысып, өз бақтарын сынады. Бәрімізге белгілі, біздің Атырау өңірі – өнердің тұнған өлкесі. Домбыра құлағында ойнаған Құрманғазы мен Дина, Қаршыға мен Айгүл, олардың ізін басып келе жатқан домбырашы жастар қаншама?! Осы күйшілік өнер жас балалар арасында қалай дамуда, өнердің осы түріне олардың қызығушылығы қандай - міне, осындай сауалдарға жауап ретінде қалалық білім бөлімі жылма-жыл мектеп оқушылары арасында осындай сайыстар өткізуді қолға алды. «Өнерге әркімнің-ақ бар таласы» демекші, қазіргі балалар тек күйшілік өнеріне ғана емес, сонымен бірге әншілікке, спортқа, сурет өнеріне, шетел тілдерін меңгеруге ден қойған.

Читать далее »

ӨМІРІН ӨНЕРІМЕН ӨРНЕКТЕГЕН…

Атырау облысы тарихи-өлкетану мұражайы өлкеміздің дамуы мен өркендеуіне сүбелі үлесін қосқан азаматтарды ұлықтауды назардан тыс қалдырған емес. Осындай игі істердің бірі – қолөнер шебері, Қазақстан Республикасының Мәдениет қайраткері Арыстанбек Молдашұлынаарналған«Өмірін өнерімен өрнектеген» атты еске алу кеші және шебердің қолөнер туындылары бойынша көрме болды.

Читать далее »

«АЛТЫН ҚАЙЫҚ» – ТӨЛЕПБЕРГЕНДЕ!

«Ақ желкен» шығармашылық орталығында облыс әкімдігі мен «Жерұйық» мәдениет орталығы» қоғамдық қорының ұйымдастыруымен «Алтын қайық» номинациясын алған жеңімпазды марапаттау шарасы өтті. Бұл шараның мақсаты – Қазақстанның батыс аймағындағы бейнелеу өнері шеберлерінің басын біріктіріп, шеберліктерін шыңдау, қазақ суретшілерін алыс-жақын шет елдерге таныстырып, әлемдік деңгейдегі сапаға жеткізу.

Читать далее »

«ӨНЕРДЕН ҚУАТ АЛМАСА, ТІРШІЛІК ШЫРАҒЫ ӨШЕДІ…»

Кез келген адамның артында қалдырған ісі оның бар ғұмырының бағдаршамы іспетті. Біреудің пешенесіне ұзақ ғұмыр жазылса, енді бірі жасындай жарқ етіп, өмірден өте шыққанымен, артына ұлағаты мол іс қалдырып, есімі жадыларда жатталып қалады.

Қазақ – қашан да төл өнерді жоғары бағалаған, қолөнерімен біте қайнасқан халық. Зор талғам мен халықтық эстетика астарласқан қолданыстағы бұйымдары – көнеден жеткен күмбірдей, қазіргі күні ел мақтаны.

Ал, сол жәдігерлерді өз мәнінде, өз сәнінде жасауға атсалысқан  шеберлеріміз туралы сөз қозғалар тұста, өнер өрінде өз өрнегі бар тума талант, белгілі шебер, ҚР Мәдениет қайраткері Арыстанбек Молдашұлы туралы айтпай кетуге әсте болмас.

Читать далее »

ДӘСТҮРЛІ ӨНЕРДІ ДӘРІПТЕП…

Қазақ халқының күй өнері – ғасырдан-ғасырға жалғасқан ұлттық құндылығымыз, асыл мұрамыз. Тәуелсіздік алған тұстан бері дәстүрлі өнерімізді дәріптеуге мол мүмкіндіктер, игі қадамдар жасалуына орай, тұтастай мәдениет саласы жаңғыра түсті. Сайып келгенде, бұл игіліктің бәрі болашақ ұрпақ үшін маңызды екені сөзсіз.

Читать далее »

ӨМІРІ ӨНЕРІМЕН ӨРНЕКТЕЛГЕН…

Атырауда  көрнекті  жазушы,  киноактер,  Сәтімжан  Санбаевты  еске  алу  кеші  өтті

Осы аптаның алғашқы күнінен бастап Атырауда қазақтың көрнекті жазушысы, киноактер Сәтімжан Санбаевтың 75 жылдығына арналған киноапталық басталып, ол Махамбет атындағы облыстық драма театрында өткен «Сегіз қырлы Санбаев» атты еске алу кешіне ұласты. Еске алу кешіне әдебиет пен өнерсүйер қауым, жастар көп жиналды. Олардың алдында облыс әкімінің орынбасары Шыңғыс Мұқан сөз сөйледі.

Читать далее »