Дін

ДІН ТАҚЫРЫБЫН ЖАЗУ

терең сауаттылық пен біліктілікті қажет етеді

Атырау облысы әкімі жанындағы бұқаралық ақпарат құралдарының мәселелері бойынша  қоғамдық кеңестің отырысы болып өтті. Облыс әкімінің орынбасары Шыңғыс Мұқанның төрағалығымен өткен жиынның күн тәртібінде бірнеше мәселе қаралды.

Читать далее »

ЕШКІМГЕ ҚАТЫСЫ ЖОҚ қарапайым мұсылман. Ол кім?

Мақаланың тақырыбын оқыған адамның «Ешкімге қатысы жоқ» дегені қай сасқаны деуі мүмкін. «Сонда қалай, ешбір туысы, бауыры немесе досы жоқ, ешкіммен араласпайтын мұсылман дегені ме?» деп қарауы табиғи реакция деп ойлаймын. Себебі, кеңестік дәуірде және одан бұрын да қазақ қоғамында мұндай ұғым жоқ болатын. Сонымен қатар, оны қалыптастырудың немесе қоғам талқысына салудың ешбір қажеттілігі болған емес. Бірақ, заман мен жағдай талабына сай, кейбір тәсілдер мен жаңа дүниелерге қоғамның мұқтаждығы туындайтыны белгілі. Сондықтан, Абай атамыз «Бас- басына би болған өңкей қиқым, мінеки, бұзған жоқ па елдің сиқын» деп жазғырғандай, қазіргі уақытта топ‑топ болып, іштен ыдырап, сиқы кетіп бара жатқан біздің мұсылман қоғам үшін бұл тақырыпты қозғау және салмақтап қарау ауадай қажет деп санаймын.

Читать далее »

ИСЛАМ ТӘУЕЛСІЗДІКПЕН БІРГЕ

Жақында бір жігіт «Мен тәуелсіздік мерекесінде бір намаз оқитын танысыма «Тәуелсіздік мерекесі құтты болсын! Алла еліміздің тәуелсіздігін баянды етсін»  деп құттықтап едім, ол маған жақтырмай қарап, «Бұл сөзің бидғат, харам, тәуелсіздікпен құттықтауға болмайды» деп жекіп, ұрсып тастады. Осы мәселе қалай? Мен шынында да харам іс жасадым ба?» деген сұрақ қойды.

Читать далее »

МӘУЛІТ МЕРЕКЕСІ ТОЙЛАНДЫ

Адамзаттың асылы Мұхаммед (с.ғ.с.) пайғамбардың туған күніне байланысты  тойланатын  мейрам  Мәуліт  мерекесі  деп  аталады. Бұл  дінде  әу баста болмағанымен, кейінгі жылдары мұсылман жұртшылығының басын қосып, пайғамбарымыздың тағылымға толы өмірбаяны мен хадистерін жан-жақты насихаттау  мақсатында дәстүрлі түрде тойланып келеді.  Қасиетті Мәуліт мерекесі өткен жұма күні облыстық Махамбет атындағы қазақ драма театрында салтанатты түрде аталып өтті.

Читать далее »

ДІНИ САУАТТЫЛЫҚТЫ АРТТЫРУ – БАСТЫ ТАЛАП

бұл бірлескен жұмысты қажет етеді

Бүгінгі таңдағы өзекті мәселелердің бірі – мемлекет пен діннің арасындағы қарым-қатынас. Дәстүрлі Ислам діні ұстанымдарын халыққа ұғынықты тілмен жеткізуде имамдар БАҚ өкілдерімен тығыз жұмыс жасауы қажет. Сондай-ақ, дін қызметкерлерінің білімдерін жетілдіріп отыру – басты талаптың бірі. Бұл жөнінде «Иманғали» орталық мешітінде өткен баспасөз брифингінде сөз болды.

Читать далее »

ӘБУ ХАНИФА және ИСЛАМ ҚҰҚЫҒЫ

Әбу Ханифа – білім іздеумен қатар, өз заманында сауда-саттықпен де айналысқан жан. Сондықтан, ол әрдайым өмірдің және құқықтық мәселелердің қайнаған ортасынан табылып, олармен етене таныс болғандықтан, кездескен жайларға байланысты ижтиһад (зерттеу) жасап, пәтуалар беріп отырды.

Читать далее »

МӘУЛІТ АЙЫ МҮБӘРАК БОЛСЫН!

Қаңтардың 12 жұлдызынан 13-іне қараған түн – қасиетті Мәуліт түні болып есептеледі. Барлық жерде Мәуліт қасидасы, өлеңдері оқылып, расулуллаһ еске алынады. Мәуліт – Мұхаммед (с.ғ.с.) пайғамбардың дүние есігін ашқан күні.
Барша мұсылман қауымы қадір тұтатын Мәуліт айы ағымдағы айдың екінші жұлдызында басталған болатын. Жалпы әлемнің мұсылмандары Мұхаммед пайғамбардың туған күнін бір ай көлемінде тойлайды. Мәуліт - Алла тағаланың ең сүйікті пендесі, хазіреті Мұхаммедтің (с.ғ.с.) дүниеге келген айына атау етіп қойылған сөз. Әлемнің көптеген елі хазіреті Мұхаммед (с.ғ.с) пайғамбарымыздың мәулітін атап өтеді. Бұл дәстүр Қазақ елінде де кеңінен таралған. Мәуліт алғаш 1207 жылы Ирбил қаласында кең көлемде аталып өтілді. Міне, содан бері тура сегіз ғасыр өтіпті. Бұл мейрамды мұсылмандардың ғұламалар кеңесі «бидағат хасана» - жақсы жаңалық деп бекіткен. Демек, ардақты пайғамбарымыздың мәулітін атап өту шариғатта мақұлданған жақсы іске жатады.
Мереке ақпан айының екісіне дейін жалғасады. Бір ай бойы мешіттерде Құран Кәрімнен сүрелер оқылып, хадистер тыңдалады, уағыздар айтылады.

Читать далее »

УАҚЫТ ЖӘНЕ ИСЛАМ

Уақыт – адам баласы үшін  қашан  да қымбат ұғым. Өйткені, адам – белгілі бір уақыттағы  және уақытша ғана жаратылыс. Уақытты қалаған кезімізде ұзартып, қалаған кезімізде қысқарта алмаймыз. Сондықтан, уақыт бізге емес, біз уақытқа тәуелдіміз.

Алла тағала: «Әрбір үмметтің ажалы (белгіленген уақыты) бар. Олар оны бір мезет кешіктіре де, ілгерілете де алмайды»  дейді қасиетті Құранда. Сондай-ақ, уақыт – бізден бұрын жаратылған дүние. Бұған дәлел – Құранның: «Адам баласының басынан ол еш нәрсе болмай тұрған уақыт өтпеп пе еді?!» («Инсан» сүресі, 1-аят) деген аяты. Бұл аят адам баласы жаралмай тұрған бір кезеңнің болғандығын айтады.

Читать далее »

ӨЛІ ЖЕБЕМЕЙ, ТІРІ БАЙЫМАЙДЫ

Ескі қорым қоршалуы – аруақтарға тағзым

Күрмеуі күрделеніп, шешімі табылмай келе жатқан Жұмыскер кентіндегі қорым қоршалды. Игілікті іске мұрындық болған «Ақ жол» демократиялық партиясы қорымды қоршауды қайырымдылық айында қолға алды.
Аталмыш партия филиалы әркез тың бастамалары, қайырымдылық көмектерімен ерекшеленіп келеді. «Партия тұғырнамасының негізі де – халықтың мұң-мұқтажына, өтініштеріне сергектік таныту. Жан-жағы бекітілмеген бейіттер жайы талай мәрте көтеріліп, халықтың орынды ренішін туғызған еді», - дейді облыстық филиалдың баспасөз қызметі.

Читать далее »

ЖАТ АҒЫМҒА ЕРГЕНДЕР

колледждерде көбейіп барады
Тоқсан сайын өтетін жедел іздестіру нәтижесінде 21 атыс қаруы, 4 травматикалық қару тәркіленген. Террористік және экстремистік әрекеттердің алдын алу мақсатында жүргізілген операция барысында, сондай-ақ, тыйым салынған 284 діни әдебиет, газет пен брошюралардың 24 түрі, 44 электрондық тасымалдағыш құралдар да табылған.

Читать далее »