Жаңалықтар

ҚАШАҒАННЫҢ «ҚАРА АЛТЫНЫ» – ЕЛ ИГІЛІГІНЕ!

ҚР Мұнай және газ министрлігі таратқан мәліметке қарағанда, кейбір жөндеу жұмыстарына байланысты болған біраз үзілістен соң Қашаған кенішінде мұнай өндіру қалпына келтірілді. 
Еске сала кетсек, биылғы 24 қыркүйекте Каспий теңізінің айдынындағы Д аралынан «Болашақ» зауытына тартылған газ құбырын жоспарлы тексеру кезінде аздаған ақау табылған-ды. Ол зауыттан 2,5 шақырым жерде, яғни санитарлық қорғаныш аймағында орын алған. Мамандардың айтуынша, апат кезінде атмосфераға таратылған күкіртті сутегі көлемі рұқсат етілген деңгейден аспаған, ешкім де зардап шекпеген.

Читать далее »

ҚҰЛСАРЫНЫҢ ҚҰС ФАБРИКАСЫ

енді облысты жұмыртқамен қамтамасыз етеді

Жылдық пайыздың 80 пайызын мемлекет төлейді. Бұл ақшаға құс қоралар салынды, балапандар, жұмыртқа басатын тауықтар мен қоспа жемдер цехы үшін жабдықтар алынды. Қазір бұл жерде 38 мың тауық бар. Әр тауық жылына 330-дан жұмыртқа басып шығады.
Жалпы ел бойынша «ҚазАгроҚаржы» компаниясы 20,3 млрд. теңгеге 18 құс фабрикасының құрылысын қаржыландырды. 2013 жылы үш құс фабрикасы іске қосылды. Атыраудағы құс фабрикасы – ең ірісі.

Читать далее »

ҚАЛАНЫҢ «ҚАН ТАМЫРЫ» ЖАҢАРДЫ

«Кәсіпорын бойынша үш жыл мерзімге қабылданған инвестициялық сауықтыру бағдарламасының ағымдағы белестегі орындалуы барысына арналған кезекті баспасөз туры «Атырау Су Арнасы» мекемесінде өтті.

Бұл шараның мақсат-маз- мұны жайлы алдымен ҚР Табиғи монополияларды реттеу Агенттігінің Атырау облысы бойынша департаментінің басшысы Балжан Досмұқамбетова қысқаша әңгімелеп, түсіндіріп берді. Ал, аталған бағдарламаның қалай жүзеге асырылып жатқандығын кәсіпорын директоры Андрей Ташлыков баяндады.

Читать далее »

КЕЛІСІМ ЖЕТІСТІККЕ ЖЕТЕЛЕЙДІ

Бейсенбі күні облыс әкімі Бақтықожа Ізмұхамбетов «Эксон Мобил Қазақстан Инк.» компаниясының директоры Бруно Жарденді қабылдады. Екі жақты кездесу барысында компанияның өңірде атқарып жатқан жұмыстары кеңінен сөз болды.
- Тамыз айынан бастап компания қызметіне біраз өзгерістер енгізілді, - деді компания директоры Б.Жарден. - «Теңізшевройл» ЖШС-нің кеңейту жобасы бойынша сызбамыз мақұлданды. Қазір келісім меморандумын күтіп отырмыз. Сонымен қатар, «Қашаған» кенішінде де жұмысты бастадық. Әлем күтіп отырған мұндай жобаға қатысқанымызға ризамыз.

Читать далее »

ҚАЛАДА – «НҰР ОТАННЫҢ» ЖАҢА ҮЙІ

Күннен-күнге облысымызда жаңа үйлер мен балабақшалар, мәдениет ошақтарының саны артып, сәулетті ғимараттар бой көтеруде. Осының барлығы – Елбасы Нұрсұлтан Назарбаевтың халыққа Жолдауының жүзеге асып жатқанының, «Қазақстан-2050» стратегиясындағы сара жолдан ауытқымай, еліміздің ілгерілеуіне бағытталғанының айқын көрінісі.
Сейсенбі күні «Нұр Отан» халықтық-демократиялық партиясы Атырау қалалық филиалының жаңа ғимараты ашылып, атыраулық «нұротандықтар» ерекше қуанышқа бөленді.

Читать далее »

ТІЛ САЙЫСЫНДА ТОП ЖАРДЫ

Жуырда Қазақстан Республикасының Төтенше жағдайлар министрлігінде «Тілдерді қолдану мен дамытудың» мемлекеттік бағдарламасын, Елбасын Нұрсұлтан Назарбаевтың «Тілдердің үштұғырлылығы» мәдени жобасын іске асыру, министрлік жүйесіндегі қызметкерлердің үш тілді меңгеруін анықтау мақсатында «Тілдарын» республикалық байқауы өткізілген болатын.

Читать далее »

ЖЕРЛЕСІМІЗДІҢ ЖАҢА ЖҮЛДЕСІ

Халықаралық Жазушылар Гильдиясының, сондай-ақ “Жаңа замандас” Халықаралық Одағының, Қазақстан Жазушылар Одағының мүшесі, атыраулық ақын, әрі жазушы Бекет Қарашин Германияда беделді Халықаралық әдеби “Русский стиль” байқауында екі номинация бойынша жүлдегер атанды.
Осымен дәстүрлі түрде жетінші рет ұйымдастырылған халықаралық деңгейдегі фестиваль қатынасушылардың жасы мен тұрғылықты жеріне қарамастан, іріктеу жұмыстарын жүргізіп, жүзден жүйрік шыққандарға арнайы марапаттар ұсынып отырады. Әлемнің әр түкпірінен жиылып, әдебиеттің әр саласы бойынша жазылған туындыларын байқауға жолдаған бірнеше ұлт өкілдерінің арасында біздің жерлесіміз Бекет Қарашин де бар.

Читать далее »

АНАЛАРҒА АЙРЫҚША ҚҰРМЕТ

Қазақстан Коммунистік Халық партиясы облыстық комитетінің бірінші хатшысы Ерболат Дәулетқазиев бастаған партия белсенділері тыл ардагері, көпбалалы ана Жабия Сүйіншәлиеваның шаңырағында болып, сый-сияпаттарын ұсынды. Қариялар күні аясында жасалып отырған қайырымдылық көмек мақсаты – аз қамтамасыз етілген қарт адамдарға, жалғызбасты зейнеткерлер мен мүгедектерге көңіл бөлу, оларға материалдық, әлеуметтік-тұрмыстық және басқа да көмек түрлерін көрсету болып табылады. 

Читать далее »

ЖАРСУАТТА БАЛАБАҚША АШЫЛДЫ

Ауылдағы бұдан 20 жылдай бұрын жабылып қалған балабақша қайта ашылды.
Ауылдағы атқарылған бұл игі істен кәсіпкерлер де шет қалмай Жанай Құмар мен Елдос Жанғалиев сынды азаматтар балабақшаға ойыншықтар сыйлады.
Балабақшаның ашылу лентасын аудан әкімінің орынбасары Ә.Балахметов пен ауыл азаматы С.Дәуітбаев қиды. Сонан соң көпшілік ауылдың көптеген тұрғындарымен жөндеуден өткен балабақшаның ішін аралап, тәрбиеленушілердің демалып, ойнайтын, тамақтанатын орындарымен танысты.

Читать далее »