Осындай шешім бүгін Астанада Н.Ә.Назарбаевтың Үкіметтің кеңейтілген отырысында берген тапсырмасына сәйкес қабылданған.

Теңгенің жаңа бағамына байланысты ҚР Премьер-министрі Серік Ахметовтің тапсырмасына сәйкес облыс және қала басшыларынан құрылған топ өңір орталығындағы сауда орындарында болып, азық-түлік өнімдері бағаларының қымбаттамауын қадағалап келеді. Осы ретте қала әкімі Серік Айдарбеков бейсенбі күні «Дина» базары мен өзге де ірі сауда орындарын аралады.

Теңге бағамының өзгеруі тау-кен өндірісіне тиімді болуы мүмкін.  Орталық Коммуникациялар Қызметінің брифингінде Қазақстан Республикасы кен өндіру және тау-кен-металлургия кәсіпорындары қауымдастығы атқарушы директорының орынбасары Төлеген Мұқанов осылай деп мәлімдеді.

Теңге бағамы өзгеруіне қатысты өңірде шұғыл іс-шаралар қолға алынып, алдымен бірінші кезекте тұтынатын азық-түлік бағаларына бақылау жүргізу үшін құрамы тоғыз адамнан тұратын аудандық штаб құрылды. Штабқа өңір басшысы Мақсым Ізбасов төрағалық етеді. Ал, аудандық ауыл шаруашылығы және кәсіпкерлік  бөлімдері штабтың жұмысшы органы болып белгіленді.

  Біз теңгенің АҚШ долларына шаққандағы бағамының өзгеру себебін ҚР Ұлттық банкі Атырау филиалының директоры Қозыбақ Құлбарақовтан да сұрап білдік.

- Айырбас бағамының ел экономикасы үшін маңыздылығын ескере отырып, соңғы жылдары Ұлттық Банктің валюталық саясаты оның деңгейінің 145-155 АҚШ доллары көлемінде сақталынуына бағытталған еді. 

Бұл экономикалық және қаржылық тұрақтылықты ұзақ уақыт қамтамасыз етуге мүмкіндік берді. Былтыр Қазақстанның ішкі жалпы өнімі алты пайызға артып, инфляция 4,8 пайызға кеміп, тарихи тұрғыда ең төмен көрсеткішті көрсеткен.

Облыста бағаны тұрақтандыру мақсатында қандай шаралар қолға алынады? Тұрақтандыру қорындағы азық-түлік жеткілікті ме? Кеше облыс әкімінің бірінші орынбасары Ғұмар Дүйсембаевтың төрағалығымен өткен селекторлық кеңесте осы мәселелер талқыға түсті. Ол аймақта газ, коммуналдық қызмет, азық-түлік бағасы өспейтініне сендірді. Жиынға онлайн режимінде қатынасқан аудан басшылары бүгінгі таңдағы ахуалды баяндады. 

Аймақ басшысы бірінші орынбасарының хабарлауынша, жұмыс тобынан құралған арнайы штаб шұғыл түрде іске кірісті. Аудан әкімдеріне де нақты тапсырмалар берілді. «Біріншіден, табиғи газ қымбаттамайды. Оның үстіне, біз газды «Теңізшевройл» ЖШС-нен теңгемен сатып алып отырмыз. Яғни, доллар курсының өзгеруі бұрынғы бағаға еш әсер етпеуі керек. Бірақ, мүмкіндікті қалт жібергісі келмей, қитұрқы әрекетке баратындар да табылуы ғажап емес. Бұл ретте Табиғи монополияларды реттеу агенттігі қадағалау жұмыстарын күшейтеді. Жанар-жағармай бағасы өспейді. Алаңдауға еш негіз жоқ»,-деген Ғұмар Ислямұлы Үкімет қаулысымен бекітілген отыз үш түрлі әлеуметтік маңызы бар азық-түлік тауарының бағасында айырмашылық болмайтынын атап айтты. Өйткені, тарифтер теңгемен төленеді, жанар-жағармай да қымбаттамайды. Демек, азық-түлік те тұрақты бағамен сатылуы тиіс. Ал, тұрақтандыру қорындағы картоп, пияз, қырыққабат, қызылша, сәбіз былтырғы жылдың желтоқсан айынан-ақ төмен бағамен сатылуда. Дегенмен, тұрақтандыру қорынан жеткізілетін өніммен аудандардың қамтылу деңгейі әртүрлі. Мысалы, Құрманғазы, Исатай аудандарында бұл көрсеткіш тіптен төмен. 

Бұл жөнінде ҚР Президенті жанындағы ОКҚ-нің брифингінде ҚР Экономика және бюджетті жоспарлау министрі Ерболат Досаев осылай деп мәлімдеді. «Экспорттан түсетін теңгемен есептегендегі пайданың 8,8 пайыздық тармаққа ұлғаюы Жалпы ішкі өнімнің номиналды өсуіне ықпал ететін болады. Сонымен бірге, импорттың қымбаттауы есебінен  Жалпы ішкі өнімнің номиналды көлемі 2,3 пайыздық тармаққа төмендейді. Жалпы теңгенің девальвациясы жүргізіліп отырған индустрияландыру саясатын ескере отырып, қазақстандық өндірушілер ...

Бұл жөнінде ҚР Президенті жанындағы ОКҚ-нің брифингінде ҚР Премьер-Министрінің орынбасары – ҚР Қаржы министрі Бақыт Сұлтанов осылай деді.

«Құнсыздану инфляцияға біршама әсер етеді. Бұдан бөлек, бүгінде баға өсімі тауарлардың, қызметтердің ұсынымы мен сұранысына әсер етеді. Яғни, монетарлық факторға қарағанда оңды болады», - деді ол.

«Бұған алдыңғы жылдардағы тұтынушылық бағалардың статистикалық индексі дәлел бола алады», - деп түйіндеді Б.Сұлтанов. 

Х.Досмұхамедов атындағы Атырау мемлекеттік университетінің психология мамандығының студенттері  психология кафедрасының доценті, топ кураторы Айжан Қаженбаеваның бастамасымен облыстық С.Қазыбаев атындағы балалар үйінің тәрбиеленушілері арасында  қызықты психологиялық жаттығулар  мен ойындар өткізіп, балаларға жүрек жылуын сыйлады.

Психологиялық шарада болашақ маман‑психологтар ерікті педагогикалық отряд құрып,  тренингтер өткізді. «Менің бір күнім» атты  күн режимін дұрыс құруға арналған және «Тілек. Мақсат. Жетістік.» атты алға мақсат қоюға арналған тренингтердің тәрбиеленушілер үшін маңызы зор болды.

Елбасының Қазақстан халқына арнаған Жолдауында айтылған тапсырмаларын орындау мақсатында әр аптаның үшінші сәрсенбі күні «Нұр Отан» партиясы Атырау облыстық филиалының қоғамдық қабылдау бөлмесінде мүмкіндігі шектеулі азаматтарды қабылдау өткізіледі.

Қабылдауды Атырау облыстық жұмыспен қамтуды үйлестіру және әлеуметтік бағдарламалар және облыстық денсаулық сақтау басқармаларының басшылары өткізеді.

Анықтамалар үшін  27-00-43 телефонына немесе Әйтеке би көшесі , 79 «а»  мекен-жайы бойынша «Нұр Отан» партиясы облыстық филиалының қоғамдық қабылдау бөлмесіне хабарласа аласыз.