Орталық нерв жүйесі зақымдалған балалар үйі тәрбиеленушілері үлкен қуанышқа кенелді. Атырау облысы сотының алқа төрағасы Әділхады Шығанбаев, Судьялар Одағының облыс бойынша филиалының төрағасы Базарғали Қадырғалиевтар сәбилер үйіне түрлі-түсті плазмалық теледидар, төсеніштер мен бүлдіршіндерге тәттілер сыйға тартты.

енді үйде отырып-ақ жұмыстарын бітіре алады
Үстіміздегі жылдың 1-ші қазанынан бастап Халыққа қызмет көрсету орталығының мобильдік тобы біреудің көмегімен жүріп-тұратын мүгедектерге арнайы қызмет көрсетпек. ХҚКО бөлімшелерінің қызметкерлері осындай жандардың үйлеріне барып, олар қалаған мемлекеттік қызметті жүзеге асыратын болады.

1 қазан – Халықаралық қарттар күні болып белгіленгеніне де биыл 13 жыл толып отыр. Содан бері бұл күн мерекеленіп келеді. 
1990 жылы БҰҰ Бас Ассамблеясының қаулысымен белгіленген қарттар күні өңіріміздің барлық жерінде өмірден көргені мен түйгені мол қазыналы қарттардың төл мерекесі болып отыр.

Атырау облысының сот актілерін орындау департаменті құқықтық насихаттау және тұрғындарды ақпараттандыру мақсатында «Ашық есік» күнін өткізіп, мекеме басшысы және орынбасары, аумақтық бөлімдерінің аға сот орындаушылары азаматтарды қабылдады.
Сонымен қатар, Атырау облысы әділет департаменті азаматтардың құқықтық мәдениет деңгейін арттыру мақсатында «Нұр Отан» ХДП-мен бірлесе отырып, облыстық партия филиалының қоғамдық қабылдау бөлмесінде «Әділет кеңес береді» республикалық акциясын өткізді.
«Ашық есік» күнінде арызданушы Жазира Әліпқалиева борышкер Маркс Есмурзиннен кәмелеттік жасқа толмаған баласы – 2008 жылы туған Әмірханды асырап-бағу үшін осы жылдың соңғы екі айына алимент алмағандығын айтып, оны өндіріп беруді сұраған. Анықталғандай, Махамбет ауданында тұратын баланың әкесі жұмыста жоқ екен. Дегенмен, ай сайын жұмыссыздықтың орташа айлық деңгейі есебінен Жазираның есепшотына 4 665 теңге аударып отырған. Департаменттің араласуымен борышкерден өндірілмей тұрған 9 430 теңге алимент берешегі аударылды.

Жақында Индерде инвесторлар жергілікті халықты үміттендірген үлкен бір қадамға барды. Атап айтсақ, «Атырау әлеуметтік кәсіпкерлік корпорациясы» Ұлттық компаниясы АҚ – «Железнодорожник-2007» ЖШС және Индер ауданы әкімдігі арасында жергілікті халық алдындағы әлеуметтік міндеттемелерді орындауға бағытталатын үшжақты келісімге қол жеткізілді.

Құрамына Атырау облысы Жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасының басшысы Нұртас Мұхтаров, облыстық мәслихаттың депутаты Мәрия Қаражігітова, Х.Досмұхамедов атындағы Атырау мемлекеттік университетінің әлеуметтік-гуманитарлық пәндер кафедрасының меңгерушісі, философия ғылымдарының докторы Өмірбек Бекежан енген насихаттық топтың мүшелері ауданға сапарын бұл жолы Қосшағыл селолық округінде тұрғындармен, одан кейін Жылыой мұнай және газ технологиялық колледжі мемлекеттік кәсіпорнында тәлімгерлер мен түрлі мамандықта оқып жатқан жасөспірімдер, темір жол қалашығында тұратын зейнеткерлер, ұстаздар және шәкірттермен жүздесуге арнады.

Қытымыр қыста жылу жетпей, жапа шеккеннен гөрі, күн райы қолайлы шақта бұл бағыттағы жұмыстарды толықтай пысықтап, төтенше жағдайдың алдын алған жөн. Үкімет үйінде өткен кезекті селектор барысында жылыту маусымына дайындық жұмыстары жан-жақты сараланды. Онлайн режиміндегі жиынға Атырау облысының әкімі Бақтықожа Ізмұхамбетов қатынасты.

2014 жылы Қазақстанда салық салу жүйесіне өзгерістер енгізілмек. Үкімет алкоголь мен темекіге акциздерді өсіруді, сол сияқты жеке тұлғалар мүлкінің салықтық ставкаларын олардың базалық құнына сәйкестендіруді жоспарлап отыр. Экономика және бюджеттік жоспарлау министрі Ерболат ДОСАЕВ төменде осы мәселелер жөнінде баяндайды.
– Ерболат Асқарбекұлы, мұндай өзгерістер енгізуге не себеп болып отыр? Әлеуметтік желілерде осының бәрі мемлекеттік бюджетті шұғыл толықтыруға байланысты туындады деген әңгімелер айтылуда.

Соңғы жылдары ел ордасы - Астана қаласында өңірлердегі ауыл шаруашылығы өнімдерінің азық-түлік жәрмеңкесін өткізу берік дәстүрге еніп келеді. Биыл ол Атырау облысы үшін алдағы қазан айының 12-іне белгіленген.
Барымызды базарлайтын бас қаладағы жәрмеңкеге дайындық мәселесі бейсенбіде, облыс әкімінің бірінші орынбасары Ғұмар Дүйсембаевтың төрағалығымен өткен селекторлық мәжілісте қаралды. Бұл жөнінде облыстық ауыл шаруашылығы басқармасының басшысы Сырым Рысқалиев хабарлама жасады.

«ЕмбіМұнайГаз» акционерлік қоғамының басшысы ауысты. Лауазымды орынға бұған дейін «МаңғыстауМұнайГаз» АҚ бас директорының бірінші орынбасары қызметін атқарып келген Махамбет Досмұхамбетов тағайындалды.
«ҚазМұнайГаз» Барлау. Өндіру» АҚ-ның баспасөз қызметі таратқан хабарға қарағанда, Жұмабек Жамауов онымен жасалған келісім-шарт мерзімінің аяқталуына байланысты аталған лауазымынан босатылған.
«ЕмбіМұнайГаз»-дың жаңа басшысы – Атырау облысының тумасы. Білімі жоғары. Ресей мемлекетіндегі Мәскеу мұнай-химия және газ өнеркәсібі институтын тәмамдаған. Ұзақ жылдар бойы мұнай саласында қызмет атқарған. Әр жылдары «МақатМұнайГаз» және «ДоссорМұнайГаз» МГӨБ-лерінде бас геолог болып еңбек еткен.