ЕЛБАСЫМЕН ЖҮЗДЕСКЕН ЕЛЕУБАЕВ

Астанадағы  Ұлы  Жеңістің  70 жылдық мерекесінен  ерекше  сезіммен  келді

Күні кеше тәуелсіз еліміздің жүрегі – Астанада өткен Ұлы Жеңістің 70 жылдығына арналған  айтулы мерекенің жүрек толқытып, жан тебіренткен тамаша әсерінен тоқсанды алқымдаған майдангер Әбдірахман Елеубайұлының әлі күнге арыла алмай жүрген жайы бар. Ыстық қауышулар, жылы шырайлы кездесулер… Әсіресе,  Елбасы Нұрсұлтан Назарбаевтың Елордаға жиналған Ұлы Отан соғысы ардагерлерін  аса мерейлі датамен асқақ сезім, қастерлі рухқа толы тілек үстінде құттықтап, марапаттау сәті келгенде дәл жанына таяп кеп,  кеудесіне «Құрмет» орденін қадағаны жан-дүниесін жаңғыртып, жадына мәңгілік жазылып қапты. Сол сәт «Балам,  денің сау болсын! Елімізді гүлдентіп, өркениетке өміршең қадам жалғап, ел экономикасы әлеуетін арттыру жолындағы қадамдарың жемісті болсын!» деп аталық тілегін жеткізгенін де өзіне мерей тұтады.

Continue Reading

НАРЫНДАҒЫ ЖАЛҒЫЗ МАЙДАНГЕР

соғыстың соңғы солдаты болуды қаламайды

Біздің кездессек деп келе жатқан кейіпкеріміздің Забурын ауылында тұратынын білетінбіз. Ол – Ұлы Отан соғысына қатысып, Жеңістің 70-ші көктемін елмен бірге қарсы алған, майдандастарын еске түсіріп, соғыс салған қасіретті  бүгінгі ұрпақ жадында жаңғыртуға, Ұлы Жеңістің құдіретін ұғындыруға толық құқығы бар Исатай ауданындағы қазіргі көзі тірі жалғыз майдангер – Ережеп Ғұбашев. Зинеден ауылының оңтүстік-батыс беткейіндегі шеткі үй сол қарттыкі екен. Төңірегі жып-жинақы, артық ештеңе байқалмайтын шарбақтан өтіп, үйге «Ассалаумағалейкум» деп бас сұқтық. Қара торы келіншек қарсы алды. Шаруамызды айтып едік, атасының қойды өрістен қарсы алуға кеткенін жеткізді. Жаңағы осы үйді нұсқап, жол көрсетіп жіберген жігіттің  «Қарт әлі тың, үйінде болмауы да мүмкін. Үнемі малмен анау бір құмды шағылдардың ар жағынан жиі көремін» деген сөзі шындыққа айналғандай. Кешқұрым мезгіл болғандықтан, уақытты босқа өткізбейін деген ниетпен, шағылдардың арасында немерелерімен уақ жандықтарын үйге беттеткен қартты көзім шалды. Оған қарсы жүріп, майдангермен кездесуге асықтым.

Continue Reading

ӨШПЕЙТІН ӨНЕГЕ

Жеңісті  жақындатуға соғысқа қатысқан жауынгерлермен бірге  тылда еңбек еткен адамдар да үлкен үлес қосты. Сондай отбасының бірі – Шағыровтар әулеті. Шағыров Тилағыс Сталинград майданына, Шағырова Зеріп Украинадағы ұрыс даласына  кетті. Ал, әкеміз Шағыров Өтеген әлденеше рет әскери комиссариатқа барып, әскерге сұранғанда, ондағы басшы азаматтар ауыл шаруашылығын  көтеретін адамдар керек деп, майданға жібермепті.

Continue Reading

ҚАРТТАР ҚУАНҒАН КҮН

Жақында Ұлы Жеңістің 70 жылдығына орай Атырау өлкесінде жұмыс жасап жатқан «Консолидейтед Контрактинг Инжиниринг & Прокьюримент» компаниясының менеджері Амин Мұстана бір топ ардагерлерге құрмет көрсетті. Бұл шараны ұйымдастыруға ұйытқы болған – Атырау облыстық ардагерлер кеңесі.

Continue Reading

«БІЗ ЖЕҢІСТІ ЖЫРЛАЙМЫЗ»

Осындай тақырыппен Ұлы Жеңістің 70 жылдық мерекесіне орай облыстық көрмейтін және нашар көретін азаматтар кітапханасы мен қазақ соқырлар қоғамы клубы ұжымының ұйымдастыруымен әскери ән байқауы өткізілді. Оған қазақ соқырлар қоғамының Атырау облыстық филиалына қарасты өнерпаздары қатысты.

Continue Reading

«ДАҢҚ» ОРДЕНІНІҢ ДЕРЕГІ

Жылыойлық  майдангер  Шафих  Ізбасовтың соғыстағы  ерлігі  туралы  жаңа  мәліметтер  табылды 

Ұлы Жеңістің 70 жылдығын тойлау кезінде  Жылыой ауданының  Құрметті азаматы, ауыл шаруашылығының дамуына айрықша еңбек сіңірген айтулы тұлға Ізбасов Шафих ағаның ұрпақтары тосыннан жаңалық-дерегі жан тебірентетін қуанышты хабарға куә болды. Ресей Қорғаныс министрлігінің орталық мұрағатындағы «Халықтар ерлігі» бөлімі кезекті әскери құжаттар ақиқатын жариялапты. Істің мәні – Шафих ағаның сұрапыл соғыс кезіндегі жанқиярлық ерлігі үшін алған үшінші дәрежелі «Даңқ» орденін растайтын наградалық парақшасы.

Continue Reading