Биыл – Ассамблея жылы

БЕРЕКЕ – БІРЛІКТІҢ ҚАЙНАРЫ

Облыстық «Мамандандырылған күзет қызметі басқармасы» мемлекеттік мекемесінің жеке құрамы іргелі этномәдени бірлестіктердің бірі – «Вайнах» шешен-ингуш бірлестігінің ардагері Сейтамин Акаевпен кездесу ұйымдастырды.

Читать далее »

ТЕРБЕЛІП ТАТУЛЫҚТЫҢ БЕСІГІНДЕ…

Бірлік пен татулықтың құтты мекеніне айналған елімізде Қазақстан халқы Ассамблеясының алар орны айрықша. Қоғамдық институттың жиырма жыл ішінде атқарған ісі бүгінгі күні бүкіл әлем елдеріне үлгі болып отыр. Атырау облысының төтенше жағдайлар департаментінде өткен «дөңгелек үстел» де осы Ассамблея тақырыбына арналып, оның мемлекетіміз үшін маңыздылығы тереңнен талқыланды.

Читать далее »

БІРЛІГІ ЖАРАСҚАН БЕРЕКЕЛІ ЕЛМІЗ

бұл мерекелік шараларда айқын көрінді

Қазақстан халқы бірлігі мерекесі аймағымызда  кеңінен аталып өтті. Өйткені, «Береке бастауы – бірлік, ел іші – тату тірлік» қағидасын ұстанған ел үшін бұл мейрамның орны ерек. «Исатай-Махамбет» орталық алаңына жиналған көпшілік халық бірлігі мерекесі күні елімізді мекендеген түрлі ұлттардың салт-дәстүрі мен мәдениетін, өзара достықты паш еткен көріністерге куә болды.

Читать далее »

ОЛАР ЖЕҢІС ШЕРУІНЕ БАРАДЫ

Ұлы Отан соғысының Жеңіспен аяқталғанына 70 жыл болса да, оның жарасы жүректерден жазылар емес. Бүгінгі жайма-шуақ өмір оңайлықпен келмегені рас. Сол үшін де кейінгі ұрпақ от ортасынан оралмаған боздақтар мен қатарымызда жүрген ардақтыларға мәңгі риза.

Читать далее »

ДАРХАНДЫҚТЫ ДӘРІПТЕЙТІН КЕЗЕҢ

- Бұл жаһандық сипаты бар айтулы мереке. Олай дейтініміз, бір кездері 1-мамыр дүние жүзі халықтарының бірлігі күні ретінде қабылданды. Бірлік, тұрақтылық мәселесін капиталистік, социалистік елдердің барлығы да қолдайды. Себебі, қақтығыстар мен толқулардың кез келген елдің экономикасын он, жиырма, тіпті отыз жылға кейінге кетіретінін тарих дәлелдеп отыр. Сондықтан, біз бұл мерекенің мәніне ерекше маңыз бере білуіміз керек.

Читать далее »

БҰЛ – БІРІКТІРУШІ ФАКТОР

- Мамыр мерекесіне сыңаржақ пікір айтылуының өз себебі бар. Өйткені, Кеңес өкіметі тұсында адамзат құндылықтарына қайшы келетін түрлі мерекелер болды. Мәселен, 31-ші қаңтар күні тойланатын Жаңа жылдың түп тамыры ағаш құдайына табынуда жатыр. Осындай арғы жағы шикі болған бірнеше мерекені тізіп өтуге болар еді. Бірақ, Бірінші мамыр – түзу ниеттен туған мейрам. Өйткені, қоғамдағы тұрақтылық, татулық мәселесі қашан да маңызды болып келді.

Читать далее »

ЖҮРЕККЕ ӘМІР ЖҮРМЕЙДІ

өзге ұлттың қыздары өрісімізді кеңейтті

Индербордағы  Тұрсынғалиевтар отбасындағы екі ағайынды жігіт өздерінің өмірлік қосақтарын өзге ұлттан тауып, бүгінде бала-шаға өрбітіп, тату-тәтті ғұмыр кешіп отыр. Олардың үлкені Асқар Алпамысұлы украин қызымен, інісі Қанат грузин қызымен отау құрған. Біз Қазақстан халқының  бірлігі күні қарсаңында аталған отбасыларында болып қайттық.

Читать далее »

ҚАЗАҚТЫҢ ОРТАСЫНАН БАҚЫТ ТАПТЫҚ…

Ассамблея жылы аясында тойланғалы отырған Қазақстан халқының бірлігі күні қарсаңында біз осы өңірде қазақтармен туысқандай бауыр басып, бақытты өмір сүріп жатқан өзге ұлт өкілдерімен тілдесіп, сұхбаттасқанбыз.

Читать далее »

СЕРГЕЙ МЕН РАВИЛЯ

Тату төріміздегі бірлігіміз бүгін де бекем, ондаған ұлттың өкілдері тәуелсіз елімізде тату-тәтті өмір сүріп, ортақ Отанымыздың болашағы жолында бірлесе еңбек етіп-ақ жатыр. Бұның жарқын көрінісін негізінен қазақтар мекен ететін Исатай ауданынан да кездестіруге болар еді. Мұны Хамит Ерғалиев ауылындағы Нығыметжановтар әулетінде болғанымызда да анық көрдік.

Читать далее »

ТАТУЛЫҚ ТОПТАСТЫРҒАН ЕЛМІЗ

Ынтымағы жарасқан ел озады. Демек, халқымыз бір мүдденің, бір идеяның маңайына топтаса түсуі қажет. Сонда ғана біз ғаламдық жаһандану жағдайында табиғи болмысымыз бен бірлігімізді сақтап қала аламыз. Елбасы Нұрсұлтан Назарбаевтың төрағалығымен өткен Ассамблеяның кезекті сессиясының  түйіні осы болды. 

Кезекті сессия барысында Мемлекет басшысы Нұрсұлтан Назарбаев татулық тұтқасына айналған институттың алдына жаңа міндеттер жүктеді. Бүгінгі мақаламызда біз еліміздің тарихи қалыптасқан тағдырына тоқталғалы отырмыз. Тарихқа көз жүгіртсек, өткен ХХ ғасыр бойына Қазақстан аумағына көп этносты халықтың орналасу үрдісінің үзіліссіз жүргізілгенін көреміз. «Столыпиндік реформа» деп аталған күрделі кезеңде шаруалардың қоныс аударуы барысында Қазақстанға Ресейден, Украина мен Беларусьтан бір миллион 150 мың адам қоныс аударған екен. Арада жиырма жыл өткен кезде, яғни отызыншы жылдардағы ұжымдастыру барысында бұрынғы КСРО-ның орталық аудандарынан Қазақстанға мүліктері тәркіленген 250 мың шаруа келді.

Дәл сол уақыттарда өнеркәсіп нысандарын салуға елдің барлық түкпірлерінен шамамен 1,2 миллион адам қоныс аударды. Сталиндік режим кезіндегі әр жылдарда бүтіндей бір халық – 800 мыңға жуық неміс, 102 мың поляк, 550 мың Солтүстік Кавказ халықтарының өкілдері, 18,5 мың Қиыр Шығыстағы корей отбасы қоныс аударды. Оларды вагондардан ашық далаға әкеліп түсірді.  Міне,  осы кезде шеттен келген түрлі ұлттар қазақ халқының дархандығына, кеңпейілділігіне куә болды. Қазақ халқы сол кездегі саяси-әлеуметтік, экономикалық тұрғыда қыспақта қалғанына қарамастан, жат жұрттықтарды туған бауырындай қабылдады. Діні, тілі, ұстанымы басқа ұлттардың жаңа өмірге икемделуіне жол ашты.

Тағдыр табыстырған, тарих тоғыстырған көп ұлтты Қазақ елі осылайша дамудың жаңа жолына түсті. Жүз отыздан астам ұлт өкілдерін біріктірген Қазақстан халқы Ассамблеясы әлемге елімізді бейбітшілік моделі ретінде танытты. Түрлі этномәдени бірлестіктер өз ұлттарының дәстүрін дамытумен шектелген жоқ, керісінше қазақтың мәдениетін, болмысын дәріптеп, барша диаспораның бір ұлттың маңайына топтасуына ықпал етті. Сондықтан, Ассамблея сессиясында Президент Нұрсұлтан Назарбаевтың бірінші наурызды жыл сайын барлық этностардың бір-біріне және қиын кезеңде мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту туралы ұсыныс тастауы – әділетті шешім болды деп ойлаймын.  Бұл ұсынысты Атырау өңірінде өмір сүріп жатқан барлық этномәдени орталықтардың толық қуаттайтынын атап өткім келеді. Себебі, жақсылық артық етпейді. Ендігі жерде біз бұл датаны мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі деңгейіне көтеруіміз қажет.

Биылғы жылдың Ассамблеяға арналуының астарында да үлкен мән жатыр. Олай дейтініміз, сонау жылдары «араб көктемінен» басталған толқулар әлемдегі түрлі келеңсіз қақтығыстармен жалғасын табуда. Жалған идеологияға уланған кей елдің азаматтары өз мемлекетіндегі қоғамдық, саяси тұрақтылыққа кері әсерін тигізуде. Мұндай жағдайлар баршамызды ойландыруы тиіс. Сол себептен де бұл жылды бірлігімізді бекемдей түсу кезеңі деп қабылдауымыз керек.

Ассамблея әлеумет  әлеуеті үшін қызмет етеді. Ассамблея жылы аясында қарапайым ауыл азаматтарына жол тартқан «Менің Қазақстаным», «Саламатты Қазақстан», «Жәрдем» және «Денсаулық» пойыздарының мұқтаж жандарға үлкен демеу болғаны, «Ассамблея – 20 ізгі іс» акциясының әлеуметтік жағынан аз қамтылған азаматтарға, көп балалы отбасыларға, соғыс және тыл ардагерлеріне, мүмкіндігі шектеулі жандарға қаржылай, материалдық тұрғыда көмек көрсеткені белгілі. Бұл бірлігі жарасқан Қазақ елі азаматтарының бір-бірінің тағдырына бей-жай қарамайтындығын көрсетеді. Ендігі жерде біз татулықты ту еткен еліміздің Ассамблея институты сынды ізгі моделін келешек ұрпаққа аманат етіп қалдыра білуге тиіспіз.

Читать далее »