Биыл – Ассамблея жылы

БІРЛІГІ ЖАРАСҚАН ЕЛ ОЗАДЫ

Ғаламдық  дағдарыс жағдайында Қазақстан экономикасын «кері кетулерден» сақтандыра отырып, дамыту мәселесіне арналған Үкіметтің кеңейтілген отырысы тұтас халыққа үлкен ой салды. Олай дейтініміз, Мемлекет басшысы Нұрсұлтан Назарбаев елдегі экономикалық, саяси  және әлеуметтік тұрақтылықты сақтаудың нақты жолдарын айқындап берді, дағдарыс жағдайында экономиканы бейімдеу, икемдеуге қатысты тиісті орындарға арнайы тапсырмалар да берді. Бірлігі мен ынтымағы жарасқан ел ғана озады. Жиынның басты түйіні де – осы.

 Иә, әлемдік картада ішкі толқулар есебінен экономикасы бірнеше жылдарға кері кетіп жатқан елдер өте көп. Сондықтан, біз үшін дәл қазіргі жағдайда татулығымызға сына түсірмеу маңызды. Осы мәселені бұқараға тереңнен жеткізу мақсатында өткен бейсенбіде облыстық «Атырау» газеті «дөңгелек үстел» ұйымдастырды. Елдің бүгіні мен ертеңіне қатысты маңызды мәселелер көтерілген жиынға облыстық «Атырау» газетінің бас редакторы Исатай Балмағамбетов,  Қазақстан халқы Ассамблеясы Атырау облыстық филиалы төрағасының орынбасары Еркін Қадырғалиев, облыстық мәслихат депутаты Сайын Қуанышев, Х.Досмұхамедов атындағы Атырау мемлекеттік университетінің кафедра меңгерушісі, философия ғылымдарының докторы Өмірбек Бекежан, «Вайнах» шешен-ингуш мәдени орталығының ардагері Сейтамин Акаев және «Былина» орыc этномәдени ұйымы төрағасының орынбасары Раиса Биткова қатысты.

Читать далее »