Экономика

ТАРИХТЫ ТАРАЗЫЛАҒАНДА

1993 жылы 15 қараша күні Қазақстан Республикасының Президенті Н.А.Назарбаевтың Жарлығына сәйкес ұлттық валюта - теңге айналымға енгізілді. Жаңа үлгідегі купюраларды әзірлеуге ақша шығаруда төрт жүз жыл тарихы бар Ұлыбритания елінің «Харрисон және ұлдары» банкнот фабрикасы таңдалды. Қағаз ақшаның көркемдігі суретші-дизайнерлер тобымен (Т.Сүлейменов, М.Әлин және А.Түзелханов) жасақталды. Онда 1 теңгеде - Әл-Фарабидің, 3 теңгеде – Сүйінбай Аронұлының, 5 теңгеде – Құрманғазы Сағырбайұлының, 10 теңгеде –Шоқан Уәлихановтың, 20 теңгеде – Абай Құнанбайұлының, 50 теңгеде – Әбілхайыр ханның, 100 теңгеде – Абылай ханның портреттері бейнеленген.

Читать далее »

ӨТКЕН КҮНДЕ КӨП БЕЛГІ

Мемлекет басшысының ақша реформасын нақты жүзеге асыру басталар қарсаңында теледидар мен радиода оның мақсатын және қажеттілігін түсіндіре отырып, сөз сөйлеуі қазақстандықтарды біршама тыныштандырды. Бұқаралық ақпарат құралдарында орналастырылған айырбастау тәртібі мен талаптары ауыздан ауызға таралды және әр жерде, түпкір-түпкірде талқыланды. Айырбастау 1993 жылғы 15 қарашада 8 сағатта басталды және 20 қарашада 20 сағатта теңгені орнықтырып аяқталды.

Читать далее »

ЫНТЫМАҚТЫ ІС – ЫРЫС

Аталмыш форум аясында отандық кәсіпорындар шығаратын тауарлар мен  ұсынатын қызметтердің көрмесі ұйымдастырылды. Қазақстанмен бірге кедендік одаққа мүше және бірыңғай экономикалық кеңістікке кіретін Ресей Федерациясының шекаралас Астрахан, Самара, Орынбор облыстары, сондай-ақ Беларусь Республикасы және Батыс Қазақстан облысы аудандары өкілдерінің қатысуымен өткен бұл шараға аталған елдер мен өңірлерден келген кәсіпкерлік құрылымдары өз өнімдерін алып келді.

Кәсіпкерлерді, мемлекеттік органдардың, ұлттық компаниялар мен холдингтердің, бизнес пен ғылыми-зерттеу институттар, орта, ірі тауар өндірушілер мен қызмет көрсетушілер, инноваторлар, туристік компаниялар және басқа мүдделі тараптар өкілдерін қосқанда аталмыш форумға барлығы 80-нен астам кәсіпорынның және 500 шамалы адамның қатысуы қамтамасыз етілді.

Читать далее »

ӨҢІРЛІК КӘСІПКЕРЛІККЕ – КЕҢ ӨРІС

Кеше Атырауға Ұлттық Кәсіпкерлер палатасы төралқасының төрағасы Тимур Құлыбаев келді. «Ренессанс» қонақ үйінің конференц залында өткен Атырау облысының Кәсіпкерлер палатасы Өңірлік кеңесінің бірінші отырысына Ұлттық Кәсіпкерлер палатасының басқарма төрағасы Абылай Мырзахметов, облыс әкімі Бақтықожа Ізмұхамбетов, кәсіпкерлердің Өңірлік палатасының директоры Асылбек Жакиев және жергілікті бизнесмендер қатысты.

Читать далее »

ҚАЗАҚСТАНДЫҚ КОМПАНИЯЛАР әлем алпауыттарының алдын орады

Еңбек өнімділігі бойынша 16 қазақстандық компания ТМД елдеріндегі 50 ірі бизнестің қатарына енді. Бұл ресейлік «Эксперт РА» сараптама агенттігінің «Эксперт-400» ірі кәсіпорындар рейтингісінен белгілі болып отыр.

Сонымен, ТМД-дағы ірі бизнестегі еңбек өнімділігі елулігінен алдыңғы орынға екі қазақстандық мұнай және мұнай-газ компаниялары шықты. Атап айтқанда, бірінші кезекке өткен жылдағы 23,1 миллиард доллар өнім өткізу ауқымымен «Теңізшевройл» ЖШС шықты. Екінші орын «Қазгермұнай БК» ЖШС-не бұйырды. Онда өнімді сату көлемі 2,3 миллиард долларға жетіпті.

Читать далее »

ҰЛТТЫҢ ҰЛЫЛЫҒЫН ҰЛЫҚТАЙТЫН ТҰС

Бұл Ұлттық жоспарды іс жүзіне асыру міндеті арнайы құ¬рыл¬ған «Астана ЭКСПО-2017» ҰК» АҚ-на жүктелді. Осыған орай біз ат¬қа¬рылып жатқан жұмыстар мен алда тұрған міндеттер хақында осы акционерлік қоғамның басқарма төрағасы Талғат ЕРМЕГИЯЕВТІ әңгімеге тарттық.
– Талғат Амангелдіұлы, Елбасының тапсырмасымен ЭКСПО-2017 көрмесін өткізудің Ұлттық жоспары жасалды. Осы жоспарға байланысты акционерлік қоғамға жүктелген міндеттерді саралап өтсеңіз. Акционерлік қоғамның бірінші кезекте атқаратын жұмыстары қандай?

Читать далее »

Сауытбек АБДРАХМАНОВ:ӨМІРГЕ АЙНАЛҒАН ӨЛЕҢ

Бір бізде емес, бүкіл әлемде адамзат атаулы кітаптың бетін кері бұра бастаған мына заманда «Бір ел – бір кітап» акциясының ұйымдастырылуы өте орынды. Абайдың «Қара сөздерінен», Әуезовтің «Қараш-Қарашынан» басталған осы таңдаудың биылғы жылы Фариза Оңғарсынованың «Дауа» кітабына түсуі де өте орынды. Ол оқиғаға орай атыраулықтардың осындай ірі іс-шаралар ұйымдастыруы да өте орынды.
Әбіш Кекілбаев ағамыз ана бір жыл «Егемен Қазақстанда» жарияланған «Фариза» атты эссесінде Исатай, Махамбет көтерілісінің тап осы Фәкең туған Манашы деген жерде басталғанын жазғаны бар еді. Мұның өзінде де символдық мән бар сияқты көрінеді.
Біз қай заманда да халқымыздың әйел-анаға, сүйген жарға, қыз балаға құрметі бөлекше болды десек, қазақ қызды жасытпай, жарқылдатып өсірді десек, олардан батыр да, ақын да, көсем де, шешен де шықты десек, соның бәріне даусыз дәлелді Фариза жырларынан табамыз. Оңғарсынова өлеңдері қазақ қызының бір айрықша ардақтайтын асыл қасиеттерін – жан тазалығын, ар тазалығын, шыншылдығын, сыршылдығын, батылдығын, ақылдылығын, аяулы сезімі мен қаяулы көңілін кір шалдырмай ұстауға ұмтылатын асқақ аңсарын айрықша көркем күйде ақ қағазға төгілте түсіріп бергенімен қымбат.

Читать далее »

БАЛЫҚ ӨНІМДЕРІ ДҮКЕНІ АШЫЛДЫ

 «Бүгінгі күні қаламыз күн санап өркендеп, көркеюде. Өнімдері талай жылдан бері халық сұранысына ие болып жүрген «Інжу-маржан» ЖШС-де қаламыздың көркеюіне өзіндік үлесін қосуда» деді Атырау қаласы әкімінің орынбасары Амантай Айтпаев аталған серіктестіктің балық өнімдері дүкенінің ашылу салтанатында.

Читать далее »

ВАЛЮТА НАРЫҒЫНДАҒЫ САЯСАТ ӨЗГЕРМЕЙДІ

Соңғы кезде Ұлттық Банкі төрағасының ауысуына байланысты еліміздегі валюта нарығындағы саясатының өзгеруі туралы түрлі ақпарат пайда болды. Осыған байланысты Ұлттық Банк баспасөз баянында мынадай мәлімдеме жасап отыр.
– Қайрат Келімбетовті Ұлттық Банк төрағасы етіп тағайындаған сәтте Мемлекет Басшысы Ұлттық Банк саясатының өзгеріссіз қалатынын атап өтті. Тиісінше, банк жүргізіп жатқан ақша-кредит саясаты сақталады,-делініпті ресми хабарламада.
Тағы бір белгілі болғаны, банк ұлттық валютаның айырбастау бағамына да қатысты бұрынғы саясатын жүргізе бермек.

Читать далее »

ҚЫРМАННЫҢ БАСЫ – ҚАЙНАҒАН ЕҢБЕК

Облыс әкімінің мұнайлы өлкенің Жайық бойындағы егістік алқаптарын ұтымды пайдалану, өзгеге иек артпай, азық-түлік белдеуін жасақтау талабына үн қосқан Индер ауданында ұйымдастыру-түсінік жұмыстары қарқынды жүріп, егістік көлемі биыл 300 гектарға жеткізілді. Бұл игі іске үн қосқан Көктоғай округіндегі Ақеділ Шалқаров басқаратын «Алға-1» шаруа қожалығы биыл 20 гектар егістік алқабына бақша өнімдерін көптеп отырғызып, бүгінде жиын-терін жұмыстарын аяқтауда. 

Читать далее »