Экономика

ЖЕЛ ГЕНЕРАТОРЛАРЫ ҚОЛДАНЫСҚА ЕНДІ

Оның қызығын шаруагерлер көруде

«Жұмыспен қамту-2020» бағдарламасының ІІ бағыты «Ауылда кәсіпкерлікті дамыту арқылы жұмыс орындарын құру және тірек ауылдарды дамыту» бойынша жетiспейтiн инженерлік-коммуникациялық инфрақұрылым объектілерін дамыту мақсатында ауданға ағымдағы жылы құны 4 928,0 мың теңгеге бағаланатын 2 жел генераторы сатылып алынды. Енді бұл жел генераторының ғажайып жұмысын аудан орталығынан шалғайда қоныстанған төрт түлік мал жайлаған шаруа қожалықтары көріп отыр. Жанкелдин ауылдық округіне қарасты «Құлпейіс» қыстағында отырған «ЖКО» шаруа қожалығының жетекшісі Ерболат Байгелдиннің отбасына келгенімізде олардың бақуатты тұрмыстарын көріп көңіліміз көтеріліп қалды. Дала төскейінде төрт түлік мал өсіріп, қызығын көріп отырған қожалық төрағасының шаңырағы электр жарығының болмауынан талай жылдан бері қиындық көріп келіпті.

Читать далее »

БАҒАЛЫ БАҒДАРЛАМАЛАР ХАЛЫҚҚА ҚАЖЕТ

олар терең түсінікті керек етеді

Кезінде Мәскеудегі Патрис Лумумба атындағы Халықтар достығы университетін тәмамдаған, экономика ғылымдарының докторы, профессор Ерғали Досмағамбет – біздің жерлесіміз. Сонау 2000 жылдардың басында Атырау облысы әкімінің орынбасары қызметін атқарып, экономика саласына жауап берген. Бүгінде Астанада тұратын атыраулық жақында туған жеріне келгенінде аз-кем сұхбаттасып қалған едік.

Читать далее »

Ауыл кәсіпкерлігі ҚАЛАЙ ТҮЛЕДІ?

Тағы бір жылды тарих қойнауына қалдырып, жаңа жылға аяқ бастық. Өткен жыл атыраулық кәсіпкерлер үшін табысты болды. Әсіресе, ауылдағы бірқатар шаруа қожалығының жолы ашылды десек, артық айтқандығымыз болмас. Бірі субсидияның қызығын көрсе, енді бірі шағын несиенің несібесін көріп үлгерді. Бағы жанғандардың біразын «Бизнесменге» беріп те үлгердік. Табыс өздігінен келмейтінін, оған адал еңбекпен ғана қол жеткізуге болатынын ұғындық. Өзгелердің тәжірибесінен үлгі алғандар бүгінде өз ісін бастауға буынып отырғаны да жасырын емес. Бұл жолы «Ауыл шаруашылығын қаржылай қолдау қоры» акционерлік қоғамы Атырау филиалының директоры Гүлзада ШАЛАҒҰЛОВАМЕН әңгімелескен едік.
– Гүлзада Айтжанқызы, қор несие беретінін бәріміз жетік білеміз. Ал, сұрақтар легіне қарағанда, оның құрылу тарихы туралы білгісі келетіндер де бар екен...

Читать далее »

«ЕРТЕГІДЕГІ» ЕРЕКШЕ СӘТТЕР

«Бауырсақ», «Қарлығаштың құйрығы неге айыр?», «Ер Төстік» пен «Күн астындағы Күнікей қыз», «Толағай», «Ұр тоқпақ»... Бала кезімізде жадымызда жатталып қалған осынау аңыз-ертегілер әрбір жанның тұлға болып қалыптасуына өз үлесін қосатыны баяғыда-ақ дәлелденген. Сондықтан да шығар, тәрбиедегі олқылық мәселесіне келгенде әжелеріміздің немересіне ертегі айтып бере алмауы жиі ауызға алынады. Өкінішке қарай, бүгінгі ұрпақ батырларды айтпағанның өзінде қазақы аңыз кейіпкерлерін емес, Спайдермен мен Спанж Бобты жақсы таниды. Осынау кемшілікті түзетуге аз да болса қолұшын бермек мақсатта қосымша білім беру қызметі бойынша Олег Козедуб Атырауда балалардың мәдени орталығын ашты.

Читать далее »

ТАБЫСҚА ЖЕТУДІҢ ТЕТІГІ

Бизнесті жүргізу айтуға оңай болғанмен, оны әрі қарай дамытып, жемісін көру жеңіл емес. Ол үшін мақсаткерлік пен көп күш жұмсалуы тиіс. Мәселен, Мақат ауданындағы жеке кәсіпкер, тіс дәрігері Мұхтар Омаровты білмейтін жан кемде-кем десем, артық айтқандығым болмас. Ол бұдан жеті жыл бұрын шағын стоматологиялық кабинет ашып, бүгінде аудандық аурухана ішінен науқастар қабылдай бастады. Кәсіп иесі мұндай табысқа қалай қол жеткізді? «Бизнесменнің» сұрақтары осындай жайға арналды.

Читать далее »

«РАХАТТЫҢ» ТАБЫСТАН ТАПҚАН РАХАТЫ

«Рахат» АҚ фабрикасының акционерлері Жаңа жылға сыйлық алды. Олар компания акцияларының таңғаларлық өсімі арқасында табыс тапты. Жыл басынан бері компанияның бағалы қағаздары 234%-ға (!) немесе бір данасының құны қазіргі деңгейге дейін - 6 600 теңгеден астамға қымбаттады.

Читать далее »

ШАҒЫН НЕСИЕГЕ АШҚАН ШАҒЫН ЦЕХ

бүгінде тұтынушыларын тауып үлгерді

«Тігінші кәсіби болуы тиіс. Сонда ғана оның қолынан шыққан туындылары сапалы болады». Күндіз-түні тапжылмастан жұмыс істейтін цехының төрінде Елбасының портреті ілулі тұрған тігін ісінің маманы Қарлығаш Тайлақова осынау пікірді берік ұстанады. Шағын несие арқылы шағын цех ашып, несібесін көре бастаған ол еңбектің жемісі оңайлықпен келмейтінін жақсы түсінеді. Қиын-қыстау кезеңдерді басынан кешірген Қарлығаш апай «Мен ешқандай қиындықтан қорықпаймын. Енді күндіз-түні қызмет етуге мүмкіндігім бар» деді қуаныштан көз жасын жасыра алмай...

Читать далее »

КАСПИЙ ҚАЙРАҢЫНЫҢ ҚҰПИЯСЫ ҚАНДАЙ?

немесе ғылыми ізденістің көздеген мақсаты да осы

Каспий теңізінің қазақстандық бөлігінде Қашаған кеніші ашылып, мұнда бастапқы бұрғылау жұмыстары жүргізіле бастаған сәттен-ақ айдын төсін түрлі ластанудан қорғау мәселесі туындады. Оның түйінін тарқатуға республиканың батыс аймағындағы іргелі оқу орындарының бірінен саналатын Атырау мұнай және газ институтының ғалымдары да белсене араласуда. Оның үстіне, 2012 жылы техника ғылымдарының докторы, профессор Әкімғали Кенжеғалиев Солтүстік Каспий теңізінде ғылыми-зерттеу жұмыстарын жүргізуге ҚР Білім және ғылым министрлігінің Ғылым комитеті жариялаған байқауда «Мұнай іздестіру жұмыстарының теңіздің экологиялық жағдайына әсері және мұнай дағының таралуына математикалық модель жасақтау» тақырыбы бойынша арнаулы грантты жеңіп алды. Теңіз төсіне ұйымдастырылған экспедиция осы мақсатты межені көздеді.

Читать далее »

ҚАШАҒАН – ҚАЗАҚ МҰНАЙЫНЫҢ ЖАҢА ТАРИХЫ

ол ел экономикасына сүбелі үлес қосады

Өткен Жылан жылының ел үшін елеулі оқиғаларының бірі – Солтүстік Каспий жобасының тұсауы кесілуі. Дүние жүзінің төрт бұрышынан инвестиция тартылған, күллі әлем көз тігіп отырған іргелі жобаның мәреге жету салтанатына Қазақстан Республикасының Президенті Нұрсұлтан Назарбаев пен Ұлыбритания Премьер-министрі Дэвид Кэмерон қатысты. Осының өзі-ақ Қашаған кенішін игерудің қаншалықты маңызды екендігінен хабардар етсе керек.

Читать далее »

ЖҰРТЫҢА СҮЙЕУ БОЛҒАЙСЫҢ, «ЖЫЛ АДАМЫ»!

Ел ішінде Елбасының тапсырмасын орындауға елеулі үлес қосып, тәуелсіз еліміздің тұғырын нығайту жолында аянбай еңбек етіп жүрген, Жылыой халқының сенімі мен сүйіспеншілігіне бөленген, әлеуметтік және гуманитарлық кәсіптердің, рухани сала мамандарының үздік өкілдеріне «Жыл адамы» сыйлығы табыс етілді.

Шынтуайтында, жылыойлықтар олардың жетістіктерін жақсы біледі. Мәселен, Құлсарыдағы жаңадан іске қосылған реттегіш орталық жылу қазандығы соңғы екі жылда ауданды әуре-сарсаңға салғаны сонша, қондырғы-жабдықтардың орнын таппаған олқылықтары оннан да, мұннан да шығып, жауапты адамдардың басынан қиқу кетпеді, ықшамаудандар тұрғындары қыс бойы дірдектеп шығатын болды. Міне, осы сын сәтте «Каспийнефть» акционерлік қоғамы қолұшын созып, орталық жылу қазандығын жаңғыртып, қалпына келтіруге жиырма миллион теңге қаржы бөліп, иіні келмеген шаруаны дөңгелентіп жіберген еді. Қазіргі шақта ықшамаудандықтар жылудың да, жылы судың да игілігін көріп отыр. Осы тұрғыдан алғанда, жұртшылық «Жыл адамы» сыйлығына биыл жаңадан қосылған «Жыл меценаты» номинациясы «Каспийнефть» АҚ бас директоры Абайылданов Бекзат Қылышбекұлына бұйырғанын құба-құп, ырза көңілмен қарсы алды.

Читать далее »