Білім

ОҚУ МЕН ӨНДІРІСТІҢ БАЙЛАНЫСЫ

Тарихы сонау 1929 жылдан басталатын Атырау өңіріндегі алғашқы білім ордаларының бірі – Гурьев педагогика училищесі. Бұл күнде Қатира Дүтбаева атындағы Атырау гуманитарлық колледжі деп аталады. 1976 жылы осы оқу орнында ұстаздық жолымды бастаған болатынмын. Содан бері арада отыз сегіз жыл өтіпті.

Читать далее »

БІЛІМГЕ ҚҰЛАШ СЕРМЕТКЕН

- Айжан Сәрсенқызы, сіз басқарып отырған Қатира Дүтбаева атындағы Атырау гуманитарлық колледжі - тамырын тереңге тартқан тарихы бар іргелі білім ордасы.  Әңгімені сол тарихтан бастасақ.

- Қ.Дүтбаева атындағы Атырау гуманитарлық колледжі алғаш рет 1929 жылы педагогикалық техникум ретінде ашылған. Бұл жалпыға бірдей бастауыш білім беру үдерісі енгізілген уақыт еді. Педагог кадрлар өте қат болған уақытта Гурьев педагогикалық техникумының жанынан арнайы курстар  ұйымдастырылған. Бұл оқу орнының  алғашқы басшысы Нұрғали Нұржігітов болды. 1932 жылы бірінші түлектері бітіріп шықты. Техникум жұмысының қарыштап дамуы жолында 1934-1940 жылдары басшылық еткен Шоқан Қаржауовтың үлесі зор болғанын айта кетуіміз керек. 1937 жылы техникум педагогикалық колледж болып қайта құрылды. 1941 жылы училище директоры болып  тағайындалған Сұлтан Жұрынтаев соғысқа кетіп, қайта оралмады. Соғыс уақытында да училище мамандар дайындау ісін үзіп тастаған жоқ. 1949-1956 жылдары оған Қатира Дүтбаева басшылық етті. Бұл жылдары училищеде бастауыш сыныптар мұғалімі, мектепке дейінгі білім беру ұйымдарының тәрбиешілері, дене шынықтыру пәні оқытушылары оқытылды. 1958 жылы училище таратылды. Жиырма жылдан соң 1976 жылы қайтадан ашылды, сол уақыттан күні бүгінге дейін жұмыс жасап келеді. 1997 жылы оңтайландыруға байланысты педагогикалық және мәдениет колледждерін біріктіру арқылы Атырау гуманитарлық колледжі қайта құрылды. 1992 жылы колледж директоры Р.Мүрсәлиеваның бастамасымен оқу ордасына Қатира Ермекқызы Дүтбаеваның есімі берілді.

Читать далее »

ОТТАЙ ЫСТЫҚ ЫҚЫЛАС

Сонау 1949 жылы мен алғаш рет Гурьев педагогикалық училищесіне оқуға түстім. Аталған оқу орнына әр жылдары әртүрлі атау берілді. Педтехникум, педучилище, қазір гуманитарлық колледж атанғанымен білім беру деңгейі еш төмендеген емес.

Біздің балалық шағымыз ашаршылық, кейін Ұлы Отан соғысы жылдарымен тұспа-тұс келгендіктен әрбір іске ынтамен, байыпты көзқараспен қарайтын едік. Намысқа тырысып оқитынбыз. Студенттік өмір қызықты іс-шараларға толы өтті. Бүгінде сол кездегі мұғалімдерді көзімізге жас алып, ризашылық сезіммен еске аламыз. Атап айтқанда, әдістемеші Жапақ Қаражігітовтен алгебра мен геометриядан жоғары теориялық білім алсақ, ол кісі қосымша сабақтарда математикалық анализдердің негізін түсіндіретін. Өзінің математикаға деген сүйіспеншілігі сол, Жапақ Қаражігітұлы әрбір сабағында «Математика – ғылымдар патшасы» деген сөзді қайталаудан жалықпайтын еді. Еңбегі еленіп, оның есімі кейінгі жылдары қаладағы мектептің біріне берілді.  Ал, классикалық музыкаға, халықтық әнге бізді баулыған Владислав Кимнің есімін әлі күнге ұмытпаймыз. Ол әрбір сабақты қызғылықты өткізуге тырысатын. Сыныптан тыс уақытында студенттерге белгілі композиторлар Бах, Бетховен, Чайковскийдың шығармашылығы жайында әңгімелейтін. Облыстық, қалалық халықтық әндер фестивалінен училищенің педагогикалық ұжымы жүлделі бірінші орын алып жүрді. Отан тарихынан Зульфат Ысқақова мазмұнды сабақ өткізді. Оның дәрісінен көп кездесе бермейтін дидактикалық материалдарда немесе таптырмайтын кітаптарда бар танымдық қиын тақырыптармен көбірек таныстық.

Читать далее »

ҰМЫТЫЛМАС ЖЫЛДАР

1976 жылы 16 тамыз Гурьев  қаласында жаңадан педагогикалық  училище  ашылды. Мен бұл жылдары Гурьев қалалық  депутаттары атқару комитеті төрағасының орынбасары жұмысын атқарып жүрген кезім.

Ол кезде  облыстық партия комитетінің  бірінші хатшысы Саламат Мұқашев, идеология жөніндегі хатшы Мұхамбетқазы Тажин, ұйымдастыру бөлімі меңгерушісі Әбілқайыр Кенжебаев, ғылым бөлімі меңгерушісі Сәуле Лұқпанова еді. Облыстық партия комитетінің  жолдауымен  училищеге  директорлыққа тағайындалдым. Училище бірнеше жыл жөндеусіз қалған пединституттың тарих-филология факультетінің ғимаратында орналасқан екен. Жөндеп, қазан айында оқу жылын бастау керек деп облыстық партия комитеті және министрлік талап қойды. Училищенің материалдық-техникалық базасын жасақтаумен қатар, оқушыларды, жас  мамандарды жатақханамен қамту, жылу мәселелерін шешу, зертхана, шеберхана кабинеттерін әр пәннің тақырыбына байланысты жасақтау, асхана, спорт залы, кітапхана ашу, т.б жұмыстарды тез арада ұйымдастыру жұмыстары тұрды. Сатымғали Қабделов, Қадырғали Насыров, Вячеслов Кульгаев секілді іскер жігіттермен көптеген мәселелерді ұйымдастырдық.

Читать далее »

Мәдениет АХМЕТОВА: «МАҚСАТЫМЫЗ – білім саласындағы өзекті мәселелерді шешу»

Жас ұрпаққа толыққанды білім беру – әр ұстаздың, әрбір білім беру мекемесінің ең қасиетті міндеті. Осы міндеттерді орындау мақсатында білім беру саласында елеулі әрі ауқымды өзгерістер жүзеге асуда. Елімізде білім сапасын арттыратын түрлі құжаттар қабылданып, бағдарламалар енгізілуде. Әсіресе, соңғы уақытта Атырау облысында тың ізденістер жасалып, білім берудегі жаңалықтар, озық үлгілер кеңінен қолданылып жүргені бәрімізге мәлім. Ал, жасалып жатқан игі істер жөнінде немесе кемшіліктерді Білім және ғылым саласындағы бақылау Комитетінің Атырау облысы бойынша департаменті сараптап келеді. Құрылғанына көп бола қоймаған құзырлы мекеменің жұмыстары жөнінде департамент  басшысы  Мәдениет Медеуханқызы Ахметовадан сұрап білген едік.

Читать далее »

БАЛА ТӘРБИЕСІ – БАСЫНАН

Егемен еліміздің ертеңі бүгінгі жас жеткіншектер болса, сол ұрпағымызды мейірімсіздік пен қатыгездіктен, жатыпішер жалқаулықтан аулақ етіп, ұлтын ұлықтайтын, дәстүрін сақтайтын азамат етіп тәрбиелеу – барша үлкеннің міндеті. Өзге елден ерек, тұғыры биік, туы берік жас жетілсе, ол тұтас еліміз үшін баға жетпес байлық, мол қазына емей немене?!

Читать далее »

ЖАҚСЫЛЫҚ ЖАСАУ – ПАРЫЗЫМЫЗ

«Жақсылық жасауға асығайық!» ұранымен 10 қаңтар - 10 ақпан аралығында өткізілген республикалық «Қамқорлық» акциясы кезінде  қаладағы М.Әуезов атындағы орта мектебінде бірқатар шаралар іске асты.

Читать далее »

ЕРАСЫЛ ЕРЛЕДІ!..

Ж.Досмұхамбетов атындағы дарынды балаларға арналған облыстық лицейдің 11-сынып оқушысы Ерасыл Жәрдемов Ресей елінде өткен ХVІІІ халықаралық конкурсқа қатысып, І дәрежелі дипломмен марапатталып келді. «Атырау облысы өнеркәсібінің экономикалық модернизация жағдайындағы дамуы» тақырыбындағы ғылыми жұмысы осылайша жоғары бағаға ие болды.

Читать далее »

ТЕКТІЛІК ТҰНҒАН ТӨЛЕШ

...Әлі есімде, 1970 жылы жоғары оқу орнын бітірген мені аудандық білім бөлімі анда-мұнда қақпақылдаумен болды. Амалсыздан өзім танымайтын Махамбет атындағы орта мектептің сол кездегі басшысы Төлеш ағаймен жолығуға тура келді. Институтты жаңа ғана бітіріп келген қаршадай баланы әкелік мейіріммен жылы қабылдаған іскер басшы:

Читать далее »