Аудандар

БАРШАМЫЗ АЛДЫНДА БАС ИЕТІН…

«Мұғалім рухын бірде-бір кітап алмастырмауы қажет және алмастыра алмайды да» деп белгілі ғұлама Адольф Дистервег тұжырым жасаған. Шынында да, адамдықтың шыңына жеткен бір жан болса, ол – ұстаз. Бір мамандық бар, жүз маманның жасағанына жете алмайтын, ол –ұстаздық. Мұғалім бола салу – оңайдың оңайы, ал жақсы мұғалім болу мыңның біріне ғана бұйырады. Ұстаз – жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, еш нәрсені ұмытпайтын алғыр да, аңғарымпаз ақыл иесі, мейлінше шешен, өнер-білімге құштар, аса қанағатшыл жан. Себебі, әр адам–қайталанбас тұлға. Оның жан дүниесі – өзінше бір әлем. Ал, ұстаз – сол әлемді шар-тарапқа жетелеуші. Ұстаз –бала болмысына өзгеріс енгізуші, бағыт-бағдар беруші, ата-ананың сенімді көмекшісі.

Читать далее »

ТЕҢІЗ КЕНІШІНДЕГІ ТАРИХИ КҮН

«Теңізшевройл» компаниясы ашық алаңдағы күкірттің соңғы қорын жөнелтті

Өткен жұма күні Теңіз кенішінің аумағында ұзақ жылдар бойы тау-тау болып үйілген күкірт іскірттерінің ең соңғы қорын тиеуге арналған салтанатты рәсім болды. Кеніште өндірілетін шикі мұнай мен ілеспе газ құрамында 13 пайыз күкіртті сутегі мен басқа да күкіртті қоспалар бар. Экологиялық жағынан залалды деп саналатын бұл күкірт қоры 2006 жылы мұндағы ашық алаңдарда 9 миллион тоннадан асып, жұртшылықтың алаңдаушылығын туғызған еді. Сондықтан да, Қазақстан Республикасы Үкіметімен арадағы келісімге сәйкес, «Теңізшевройл» компаниясы оны 2017 жылға дейін толықтай  жоюға міндеттенген болатын. Міне, бұл үлкен жұмыс мерзімінен екі жыл бұрын орындалып отыр.  

Читать далее »

ДӘСТҮРЛІ ДОДА – ДОСТЫҚТЫҢ ДӘНЕКЕРІ

Атырауда өткен ел мұнайшыларының

IV спартакиадасы мәресіне жетті

Бұған дейін газетімізде хабарланғанындай, 15-18 қыркүйек күндері Атырауда мұнайшылардың төртінші спартакиадасы өтті. Қазақ хандығының 550 жылдық мерейтойына арналып ұйымдастырылған дәстүрлі спорт мерекесінің тұсауы сейсенбіде кесіліп, салтанатты ашылу рәсімінен соң іле-шала алғашқы ойындар да басталған-ды.

Читать далее »

МҰНАЙШЫЛАРДЫҢ ТӨРТІНШІ СПАРТАКИАДАСЫ

Қазақ хандығының 550 жылдығына арналды

Атырауда таяуда ауыз толтырып айтарлықтай бір игілікті шара өтті. 2015 жылғы қыркүйек айының 15-інде осында мұнайшылар спартакиадасы тұсауын кесті. Айрықшалап айтарымыз, «ҚазМұнайГаз» Барлау Өндіру» акционерлік қоғамының мұрындық болуымен биыл төртінші мәрте ұйымдастырылып отырған дәстүрлі спорт мерекесі Қазақ хандығының 550 жылдық мерейтойына арналды.

Читать далее »

ИНСТИТУТ УНИВЕРСИТЕТКЕ АЙНАЛАДЫ

Жексенбіде Атырау мұнай және газ институтында, Қазақстан Республикасы Энергетика министрінің бірінші орынбасары Ұзақбай Қарабалиннің төрағалығымен аталған жоғары оқу орны жанындағы Қамқоршылар кеңесінің кезекті отырысы өтті. Онда алдымен институт ректоры Әли Әбішев қатысушыларды кеңестің жаңартылған құрамымен таныстырды. Күн тәртібіне сәйкес ол «Атырау мұнай және газ институты: қазіргі ахуалы, проблемалары мен болашақтағы жоспарлары» тақырыбында баяндама жасады. 

Читать далее »

БРУЦЕЛЛЕЗГЕ ҚАРСЫ КҮРЕС

әлі өз нәтижесін бермей отыр

Жуырда ауыл шаруашылығы жануарлары арасында бруцеллез ауруының таралу жайын талқылау мақсатында облыс әкімінің бірінші орынбасары Ғұмар Дүйсембаевтың төрағалығымен семинар өткізілді. Аурудың алдын алу үшін қандай шаралар жасалып жатыр? Бруцеллездің адамдар арасында таралуына жол бермес үшін не істеу керек? Маусымдық екпе пен сырға салу жұмыстарының баяу жүруіне не себеп? Міне, жергілікті ветеринар мамандардың қатысуымен болған жиында осы және өзге де мәселелер қозғалды.

Читать далее »

БАЛЫҚШЫ ДЕГЕН КӘСІП БАР…

Атырауда балықшылардың кәсіби мерекесі аталып өтті. Балықшы кентіндегі «Судоремонтник» стадионында сала ардагерлері кездесіп, Балықшы, Жұмыскер, Еркінқала ауылдық округтерінің әкімдері мен Жайық-Атырау бекіре балық өсіру зауытының басшылығы кәсіп иелерін төл мерекелерімен құттықтап, Алғыс хаттар табыстады.

Читать далее »