Атырауда 387 кәсіпкер қаржылық қолдауға ие болды

«БИЗНЕСМЕН» Жаңалықтар Экономика

Atr.kz/7 қараша, 2019 жыл. Атырау облысында  барлық мемлекеттік және өңірлік бағдарламалар аясында  жыл басынан бері  387  кәсіпкерлік  жоба  қаржылық қолдау тапты.

Жобаларды жүзеге асыру үшін  жалпы сомасы  3,761  млрд. теңге қаржы бөлінген. Осының нәтижесінде аймағымызда 618  жаңа жұмыс орны құрылады.  Бұл туралы облыстық  кәсіпкерлік индустриалдық-инновациялық даму басқармасының басшысы Айқын Елеусізов  айтты.

–    2015 жылы кәсіпкерлікті қолдауға жергілікті бюджеттен 200 млн теңге көлемінде қаражат бөлінсе, биылдың өзінде 3 млрд теңгеге жуық қаражат бөлінді.  Осыған орай, жыл сайын облысымызда мемлекеттік және жергілікті бағдарламаларға қатысушылардың, соның ішінде ауылдық  кәсіпкерлердің саны артуда, нәтижесінде бюджетке түсетін салық көлемі артып, жұмыс орындары  ашылып, жаңа нысандар іске қосылуда, – дейді Айқын Елеусізов. 

Сондай-ақ, биыл кепілдендіру түріндегі мемлекеттік қолдауға 86 жоба ие болып, 16 кәсіпкер грант ұтып алды. Сонымен бірге, 14 жас кәсіпкерге 27 млн теңге көлемінде мемлекеттік грант бөлінді.

Айта кетейік, «Бизнестің жол картасы – 2020» бағдарламасы жүзеге асырылғаннан бері өңірде 107,3 млрд теңге көлемінде 1 519 кәсіпкердің жобасы қаржыландырылды. Нәтижесінде  6 446 жаңа жұмыс орны құрылды.

Дереккөз: Атырау өңірлік коммуникациялар қызметі

Добавить комментарий

Ваш e-mail не будет опубликован. Обязательные поля помечены *