Аtr.kz/25 мамыр, 2020 жыл. Карантиндік шектеу шараларының жеңілдетілгеніне қарамастан, жұмысын төтенше жағдай режиміндегі тәртіпте жүргізіп отырған құрылымның бірі – «Арнаулы көлік базасы» ЖШС-і.
Серіктестіктің баспасөз қызметінің жетекшісі Ирина Козонованың мәлімдеуінше, бірінші кезекте қаланың тазалығына жауапты мекеме пандемияның алдын алумен байланысты белгіленген залалсыздандыру шараларын да қатар атқаруда. Осылайша, наурыз айының 27-сінде басталған дезинфекциялық жұмыстар қазірге дейін үзіліссіз жүргізіліп келеді.
Серіктестік өкілінің айтуынша, бұл мақсатқа төрт бригада, 16 адам және бірнеше бірлік арнаулы техника тартылған. Олар шаһардың оң және сол жақ бөлігіндегі автобус аялдамаларындағы павильондар (жалпы саны 148) мен контейнер алаңдарына (500) күніне екі мезгіл (таңертең және түсқайта) дезинфекциялық өңдеу жүргізеді.
Ал, арнаулы машиналар болса, көлік жүретін көше жолдарына хлорланған ерітінділерді күніне үш мәрте шашып шығады. Мұның сыртында, қаладағы көпірлер мен көше бойындағы адамдар отыратын орындықтар, жиектастар мен суағарларды жуып-шайып тұру да осы мекеменің негізгі міндетіне кіреді.
Облыстың бас мемлекеттік санитарлық дәрігері жариялаған қаулыда атап көрсетілгеніндей, карантиндік режимнің кейбір баптары жеңілдетілгенімен, арнаулы көлік базасында жұмыс қарқыны бәсеңсіген емес. Әрбір дезинфекциялық өңдеу шарасынан кейін нысандардың тазалығы мен құрылғылардың жұмысқа жарамдылығы тексеріледі.
Ал, қала аумағындағы ауылдарда тұрмыстық қалдықтар бос күйінде жинақталып алынатындықтан, оларға контейнерлер қойылмаған, алаң да орнатылмаған. Сондықтан, онда орталықтағыдай залалсыздандыру жұмыстары жүргізілмейді. Алайда, елді мекендердің тазалығы ұдайы назарда.
Жағымды жаңалықтың бірі, мұнда жақында бункер тасымалдаушы арнаулы көліктер келді. Былайғы контейнерлермен салыстырғанда, бункерлердің б а с т ы а р т ы қ ш ы л ы ғ ы сол, олар негізінен қатты тұрмыстық қалдықтардан бөлек шығарылатын габаритті емес (мәселен, құрылыс- жөндеу жұмыстарынан соң жинақталатын, сондай-ақ, ескірген жиһаз-мүліктер) қ а л д ы қ т а р д ы с а л у ғ а арналған.
Бүгіндері мұндай бункерлер қаланың Самал мөлтекауданындағы №26, 28 көшелер мен 16-шы өткелге, Сарыөзектегі Гүлден көшесіне (облыстық туберкулезге қарсы күрес диспансерінің маңы), сонымен бірге, Жұмыскердегі Жайық жағалауында, Береке ауылы мен Дамбы трассасының бойындағы «Рыбник» бау- бақша серіктестігі тұсында қойылған.
Қысқасы, жеңілдетілген карантин жағдайында да кәсіпорынның жұмысы ырғақты, жұмысшылары тұрақты болып тұр.
Дәулетқали АРУЕВ
