Ыстанбұлдағы ұшақ апатынан 179 адам зардап шегіп, 3 жолаушы қайтыс болды

aopropo Жаңалықтар

Atr.kz/6 ақпан, 2020 жыл. Ыстанбұлдағы ұшақ апатынан 179 адам зардап шегіп, 3 адам қайтыс болды.

Pegasus Airlines әуе компаниясына тиесілі ұшақ Измир-Ыстанбұл бағытында ұшқан. Қонғаннан кейін лайнер ұшу-қону жолағынан шығып кеткен. Өрт сөндірушілер ұшақтан шыққан өртті дереу сөндіріп үлгерді. Жолаушылар эвакуацияланды. Оқиға орнынан түсірілген суреттерге қарағанда, ұшақ үшке бөлініп кеткен.

Түркияның Көлік және инфрақұрылым министрі Жахит Турханның айтуынша, ұшақ бортында 177 жолаушы (екі боланы қосқанда) және алты экипаж мүшесі болған. Түркияның денсаулық сақтау министрі Фахреттин Қожаның айтуынша, зардап шеккен 179 адамға медициналық көмек көрсетілді, оқиға кезінде үш адам қайтыс болды. Қазір ұшақ апатын тергеу басталды. Еске сала кетсек, кеше Сабихи Гөкчен атындағы әуежайда Измир-Ыстанбұл бағытындағы лайнер ұшу-қону жолағынан шығып кетіп, өртенген болатын.

Дереккөз: «Анадолы» агенттігі

Тағы оқыңыз:

http://atr.kz/egov/%d2%9baza%d2%9bstanda-%d2%9barzhy-zh%d3%99ne-ekonomikaly%d2%9b-reformalardy-ba%d2%9bylajtyn-ortaly%d2%9b-%d2%9b%d2%b1ryldy/
Баға берсеңіз
Атырау газеті
Пікір қалдырыңыз