Тоқаев ауылдағы мектептер мен медпункттерге толықтай интернет жеткізуді тапсырды

200218191157569e Жаңалықтар

Atr.kz/19 ақпан, 2020 жыл. ҚР Президенті Қасым-Жомарт Тоқаев «Қазақтелеком» АҚ Басқарма төрағасы Қуанышбек Ескеевті қабылдады.

Мемлекет басшысына «Қазақтелеком» акционерлік қоғамының 2019 жылғы қортындылары жайында баяндалып, Smart city тұжырымдамасының орындалу барысы, «Смарт Ақкөл» жобасы бойынша атқарылып жатқан жұмыстар туралы айтылды.

Сонымен қатар Қуанышбек Ескеев Қазақстан Президентіне «Қазақтелеком» акционерлік қоғамының «Kcell» және «Tele2» компанияларының акцияларын сатып алғаны, олардың жұмысын интеграциялау шаралары, мобильді қызмет жобасының жүзеге асырылуы жөнінде де мәлімет берді.

 Кездесу соңында Қасым-Жомарт Тоқаев Қуанышбек Ескеевке елді мекендерді толықтай мобильді байланыспен қамтамасыз етіп, ауылдардағы мектептер мен медициналық пункттерге интернет желісін жеткізуді, сондай-ақ, олардың бағасын қымбаттатпауды тапсырды.

ТАҒЫ ОҚЫҢЫЗ:

http://atr.kz/bez-rubriki/atyrauda-%D2%B1ltty%D2%9B-sana%D2%9B-kezinde-1000-nan-astam-adam-zh%D2%B1myspen-%D2%9Bamtylady/

Дереккөз: https://www.inform.kz/

Баға берсеңіз
Атырау газеті
Пікір қалдырыңыз