Atr.kz/24 мамыр, 2019 жыл. Енді «Қазақтелеком» еліміздегі 4 ұялы оператордың үшеуін бақылайтын болады.
Тele 2 компаниясы Қазақстан нарығынан кетеді. Себебі Khan Tengri Holding B.V.-мен бірлескен компаниядағы өз үлесін Қазақтелекомға сатты.
Осылайша, байланыс операторының 49% акциясы Қазақстандық компанияның үлесіне өтті. Келісім маусым айының соңына дейін толық аяқталады.
Енді «Қазақтелеком» Теле 2-нің 80 миллиард теңге сомасындағы несиесін толықтай өтейді. Теле 2 компаниясының қаржылық алымдардан бөлек таза пайдасы 169 миллион АҚШ долларына тең.
Айта кетейік, Теле 2 компаниясы Қазақстан нарығынан кеткеннен кейін «Қазақтелеком» еліміздегі 4 мобильдік байланыс операторының үшеуіне өзі иелік ететін болады.
