Atr.kz/ 10 сәуір, 2019 жыл. Атыраудағы Назарбаев Зияткерлік мектебінің 11 сынып оқушысы Диляра ҒАБИТОВА Шри-Ланкада шахматтан өткен Азия чемпионатында жүлделі 2 орынға табан тіреді.
Ол үш номинация бойынша блиц, рапид және классикадан оқ бойы озық шықты.
Asian Chess Championship-2019 халықаралық байқауына әлемнің 23 мемлекетінен 572 үміткер бағын сынаған. Ал атыраулық оқушы 18 жасқа дейінгі ойыншылар санатында үздік үштікке енді.
Диляра ҒАБИТОВА шахматтан спорт кандидаттығына үміткер. Ол алыс-жақын шет елдерде талай мәрте топ жарған дарынды оқушы. 2018 жылы Прагада шахматтан жасөспірімдер арасында өткен сайыста жүлделі 1 орынды қанжығалады.
«Atr-ақпарат»
