Махамбет ауданында ауыл әйелдерінің форумы өтуде (+ФОТО)

eac1149 Жаңалықтар

Atr.kz/20 қыркүйек, 2019 жыл. Бүгін Махамбет ауданында мұнай өңір әйелдерінің форумы басталды.

Бұл шараға қатысушылар алдымен аудандық орталық аллеяда ұйымдастырылған көрме-жәрмеңкеге жиналды.  Әр ауданнан жиналған шаруа қожалықтары мен түрлі кәсіп иелерінің өнімдерін қызықтаушылар қатары көп болды. Азық-түлік өнімдерімен қатар, шаруашылық бұйымдары да, қолөнер туындылары да, ат әбзелдері мен қару-жарақтар да көрмеге қойылған ұлттық құндылықтар қатарынан табылды.

Бұдан соңфорум жұмысы «Өнерпаз» мәдениет үйінде жалғасты. Форум ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен өтуде.  

Форум жұмысына облыс әкімінің орынбасары Айгүл Әжіғалиева, «Жасыл экономика» үшін және  G-global дамыту коалициясы»  заңды тұлғалар бірлестігінің басқарма төрағасы, ҚР Президенті жанындағы жасыл экономикаға өту кеңесінің мүшесі Салтанат Рахымбекова, «Атырау облысының іскер әйелдері» қоғамдық бірлестігінің басшысы Нұрлы Әйтиева және әр ауданнан арнайы шақырылған делегаттар қатысуда.

Шара барысында «Менің жетістігімнің тарихы» шеруі ұйымдастырылмақ. Бұл – бүгінгі форумның басты ерекшелігі. Әр салада табысқа жетіп жүрген нәзікжандылар өз тәжірибесімен бөліспек.

Аталған форум туралы толығырақ «Атырау» газетінің алдағы санынан оқи аласыздар.

eac1401
eac1172
eac1364
eac1186
eac1216
eac1280
eac0840
eac0881
eac0979
eac1079
eac0755
eac0773
eac0792
Фото – Ерлан АЛТЫБАЕВ

Гүлжан ӘМІРОВА,

Махамбет ауданы

Баға берсеңіз
Атырау газеті
Пікір қалдырыңыз