Жақында облыстық соттың ауданаралық мамандандырылған экономикалық сотында фронт-офис ашылды.
Облыстық сот төрағасы Марғұлан Бектұрғановтың айтуынша, фронт-офис жұмысы халықтың сот жүйесіне сенімін, оның қолжетімділігі мен ашықтығын қамтамасыз етуге бағытталады. Жалпы, ақпараттық орталық азаматтардың мәжбүрлі түрде сотқа жүгіну уақытын азайту, сондай-ақ, сот қызметтерін арыз беру, шешім қабылдау туралы актілерді беруге дейін бір орында көрсету үшін құрылды.
Фронт-офисте ақпараттық дүңгіршек орналасқан. Онда сот маманы азаматтарды бекітілген медиаторларға, адвокаттарға және басқа да мамандарға жіберіп, нақ осы арада жекелеген кабинеттерде оларға құқықтық көмек көрсетіледі. Сондай-ақ, келушілердің сұранысына қолайлы жағдай жасалып, өзін-өзі қамтамасыз ету бұрышы жабдықталып отыр.
Майра ОРАЗҒАЛИЕВА.
