Атыраулық кәсіпкерлер сайлауға қолдау білдірді (+ФОТО)

IMG 20190423 WA0034 Жаңалықтар

Аtr.kz/23 сәуір, 2019 жыл. Атырау кәсіпкерлері елімізде өткелі отырған кезектен тыс Президент сайлауын өткізу туралы шешімді толығымен  қолдайды. Бұл туралы олар Атырау облысы кәсіпкерлер палатасында  өңіріміздегі бизнес қауымдастық өкілдерімен өткен дөңгелек үстелде мәлімдеді. 

Атырау облысы кәсіпкерлер палатасының басшысы Абдолла Ідрісов алдағы өтетін сайлауды – күн тәртібіндегі ең өзекті мәселе деп қабылдайтынын айтты.

«Қазақстан – өзінің демократиялық үрдістерімен бүкіл әлемге танылған мемлекет. Тәуелсіздіктің алғашқы күндерінен бастап біздің еліміз Конституция талаптарына сай жүріп келе жатыр. Сондықтан, Президент сайлауы өте қажет. Кәсіп иелері жұмысының алға басуы үшін ең қажетті құндылық – тұрақтылық деп біледі. Ал, Қазақстанның бүгінгі тұрақтылығы – кезектен тыс өткелі отырған Президент сайлауына тікелей байланысты. Және «Нұр Отан» партиясының кезекті съезінде партия өкілдерінің Президенттікке үміткер ретінде Қасым-Жомарт Тоқаевтың кандидатурасын ұсынуын толығымен қолдаймыз. Себебі, біз Қасым-Жомарт Кемелұлын Елбасымыздың ұстанған сарабдал саясатын одан әрі жалғар бірден-бір лайықты тұлға деп білеміз», – деді.

Басқосуда Атырау бизнес және құқық колледжінің директоры  Нұрлы Әйтиева, «Etalon Termoplast» ЖШС директоры Асқар Саппаев пікірлерін білдірді.

Мұратбек  ЖАҢАБАЙ

Фото: Ерлан АЛТЫБАЕВ

IMG 20190423 WA0021
IMG 20190423 WA0023
IMG 20190423 WA0024
IMG 20190423 WA0026
IMG 20190423 WA0035
IMG 20190423 WA0027
IMG 20190423 WA0039
IMG 20190423 WA0036
IMG 20190423 WA0041
IMG 20190423 WA0025
Баға берсеңіз
Атырау газеті
Пікір қалдырыңыз