Atr.kz/6 маусым, 2019 жыл. Атырауда терможаңғырту бағдарламасы бойынша тағы бір көпқабатты тұрғын үй жөндеуден өтті.
Төрт айдың ішінде жүз пәтерлі бес қабатты тұрғын үй күрделі жөндеуден өткен, деп хабарлайды Атырау қаласы әкімдігінің баспасөз қызметі.
Атырауда 2011-2020 жылдарға арналған терможаңғыртудың мемлекеттік бағдарламасын іске асыру жалғасуда. «Тұрғын үйлерге коммуналдық қызмет көрсету» ЖШС-нің ақпаратына сәйкес, бағдарламаны жүзеге асырудың барысында облыс орталығында 130 көп қабатты тұрғын үй күрделі жөндеуден өткен. Биыл тағы 24 үйді жаңғырту жоспарланып отыр.
– Атырау тұрғындарының қайтарылған қаражаты есебінен 4 үй жөнделіп жатыр, жергілікті бюджеттен бөлінген қаражаттың жалпы сомасы 200 миллион теңгені құрайды. Әр үйге 50 миллион теңге бөлінеді. Тұрғындар орташа есеппен айына 3-4 мың теңге төлейді, егер пәтердің шаршы метрінің көлемі ұлғайса 5 мың теңге. Бұл тұрғын үйлерді тиісті түрде орналастыруды жоспарлап отырған азаматтар үшін өте қолайлы », – деді «КОЖД» ЖШС терможаңғырту бөлімінің басшысы Айдын Төреханов.
Айта кету керек, Авангард 3 шағын ауданындағы № 9 бес қабатты тұрғын түйде мердігер ұйым төсенішті толығымен ауыстырып, жертөлені кептірді, сондай-ақ санитарлық тазарту жұмыстарын жүргізді. Жөндеу жұмыстары аясында ыстық және суық сумен қамтамасыз ету және жылу желілері орнатылды, электр желілері толығымен ауыстырылды, үйдің қасбеті жаңартылып, кіре берісте жөндеу жұмыстары жүргізілді. Сонымен қатар, кіреберіске жаңа орындықтар қойған.
– 6 кіреберісі бар көп қабатты тұрғын үйде жөндеу жұмыстары 1 наурызда басталып, 1 маусымда аяқталды. Кепілдік мерзімі – 2 жыл. Егер осы уақыт ішінде қандай да бір мәселелер туындаса немесе жалға алушылар бұзушылықты байқаса, вандализмнен басқа, мердігер ұйым оларды өз есебінен жоюды міндеттенеді », – деді қалалық тұрғын үй инспекциясының басшысы Қайрат Хабиев.
Биылғы жылдың қаңтарында терможаңғырту бағдарламасы аясында алты тоғыз қабатты тұрғын үйде жаңа түрік жеделсатылар орнатылған болатын.
