Атырауда “Кемелер шеруі” өтеді

Жаңалықтар Шаһар шырайы Экология Қоғам

Atr.kz/9 шілде, 2019 жыл. 12 шілде – Балық шаруашылығы қызметкерлері өздерінің кәсіби мерекелерін атап өтеді. Осыған орай, Атырауда мерекелік іс-шаралар жоспары бекітілді.

Атырау қаласы әкімдігі хабарлағандай, орталық көпірдің сол жағалауында сағат 6.30-9.30 аралығында әуесқой балықшылар арасында балық аулаудан турнир ұйымдастырылмақ. Жарыс қорытындысы бойынша жеңіске жеткен әуесқой балықшылар түрлі марапаттарға ие болады. Ал, 9.00-де қала тұрғындары мен қонақтарының қатысуымен Қ.Смағұлов жағалауында бекіре тұқымдас шабақтар суға жіберіледі.

Сондай-ақ, Қ.Смағұлов атындағы жағалауда 8.00-12.30 аралығында тілек білдірушілер балықты жылдам аршудан сынға түсе алады. Сол секілді, балық аулау құралдары мен құрылғыларын жасақтау, қол күресі, қазақша күрес, шахмат, арқан тартыс және басқа да спорт түрлерінен де сайыстар өтпекші.

Сағат 11.15-тен бастап Тұрғындар қалашығы жағалауынан “Атырау” шипажайы маңына дейін “Кемелер шеруін” тамашалауға мүмкіндік бар.

Амандық САҒЫНТАЙҰЛЫ

Добавить комментарий

Ваш e-mail не будет опубликован. Обязательные поля помечены *