Атырауда Абайдың 175 жылдығына орай ескерткіш орнатылады (+ФОТО)

whatsapp image 2020 02 12 at 08.36.02 1 Жаңалықтар

Atr.kz/12 ақпан, 2020 жыл. Бұл туралы облыс әкімі Махамбет Досмұхамбетов айтты. Атырауда Абайдың 175 жылдығына арналған салтанатты шара өтті.

Атаулы шараға жазушы, драматург Роллан Сейсенбаев, белгілі жазушы-журналист Мереке Құлкенов, көрнекті ақын Светқали Нұржанов қатысты. 

Абайдың мерейтойын тойлауда «Абай жаққан бір сәуле өшпеу үшін » атты әдеби – музыкалық театрландырылған қойылым сахналанды. Аталған сахналық қойылым Ұлжан ананың ұлы Абайды өмірге әкелген сәті мен әкесі Құнанбайдың халықтан сүйінші сұрағаны, Құнанбайдың ұлына Ибраһим деп есім бергені және өмірінің жарқын сәттері көрсетілді.

whatsapp image 2020 02 12 at 08.36.01 1
whatsapp image 2020 02 12 at 08.36.02
whatsapp image 2020 02 12 at 08.36.01
whatsapp image 2020 02 12 at 08.36.03 1
whatsapp image 2020 02 12 at 08.36.02 2
whatsapp image 2020 02 12 at 08.36.04
whatsapp image 2020 02 12 at 08.36.03

Мерекелік шарада облыс әкімі Махамбет Досмұхамбетов атыраулықтарды  құттықтап, Атырауда ұлы ақын Абайға арналған  ескерткіш орнатылатындығын жеткізді.

–  ҚР Президенті Қасым-Жомарт Тоқаев 2020 жылы Абай Құнанбайұлының 175 жылдық мерейтойын  әлемдік  деңгейде атап өтуді  тапсырған болатын. Бүгін өңірімізде осыған орай салтанатты кеш өтіп жатыр. Абай – қазақтың ұлы тұлғасы.  Абай –  дана, Абай – дара қазақта. Сондықтан, Абайдың айтқан қара сөзі,  әрбір өлеңі қазақ халқының қазынасы деп білеміз. Халыққа керек ақыл-ойларын өскелең ұрпаққа өсиет етіп қалдырды. Қаламызда қазақтың бас ақыны Абайдың 175 жылдығына орай  ескерткіш орнатылатын болады. Ісіміз берекелі, еліміз мерекелі болсын, – деді  аймақ басшысы Махамбет Досмұхамбетов. 

Сондай-ақ, кеш барысында Абай Құнанбайұлының «Көзімнің қарасы», «Айттым сәлем, Қаламқас» «Желсіз түнде жарық ай», т.б әндері орындалды.

Дереккөз: Атырау өңірлік коммуникациялар қызметі

Тағы оқыңыз:

http://atr.kz/bez-rubriki/front-ke%d2%a3seni%d2%a3-%d2%9baza%d2%9bstan-bojynsha-filialdary-ashylady/
Баға берсеңіз
Атырау газеті
Пікір қалдырыңыз