Атыраудағы айтыста барлық ақын жеңімпаз атанды (ФОТО)

ANU 5257 Жаңалықтар

Махамбет атындағы облыстық қазақ драма театрында «Ембімұнайгаз» АҚ құрылғанына 95 жыл толуына арналған «Ембімұнайгаз – қазақ мұнайының қара шаңырағы» атты республикалық ақындар айтысы өз мәресіне жетті.

ANU_5257

Оған елімізге танымал Айнұр Тұрсынбаева, Балғынбек Имаш, Жакен Омаров, Нұрлан Мұсаев, Сара Тоқтамысова, Жандарбек Бұлғақов секілді азулы ақындармен қатар, біздің облысымыздың атынан Саадат Нұрманов, Салауат Исахаев, Сырымбек Сарсембаевтар қатысқанын бұдан бұрын да хабардар еткен болатынбыз.

ANU_5165

Суырыпсалма сайыпқырандардың өнерін тамашалауға жиналған көрермендер 3,5 сағатқа созылған сөз өнерін залда ине шаншар орынның болмауына қарамастан тапжылмай тамашалады. Бір қызығы, ақындардың өнерін қазылар алқасы емес, жиналған халық бағалаған болатын.

ANU_5113

Сөз сайысының қорытындысында барлық ақындар жеңімпаз деп танылды.

ANU_4940

Тартысты өткен аламан айтыс соңында «Ембімұнайгаз» АҚ басқарма төрағасы Әнуар Жақсыбеков сөз сөйлеп, барлық ақындарға мұнайшылардың алғысын жеткізді. Сондай-ақ, айтысқа қатысқан ақындардың иығына қазақы дәстүрмен шапан және қамзолдар жауып, компания атынан «Алғыс хат» табыс етті.

ANU_5304

Айтыскерлерге Атырау жұртшылығы атынан да ықылас гүлі тарту етілді.

ANU_5089

Айбөпе САБЫРОВА

Баға берсеңіз
Атырау газеті
Пікір қалдырыңыз