Atr.kz/15 наурыз, 2019 жыл. Таяуда Жылыой ауданы, Құлсары қаласындағы «Мұнайшылар» мәдениет үйінде аралас жекпе-жектен әлемнің үш дүркін чемпионы Ардақ Назаровпен кездесу болып өтті.
Аудан тұрғындары мол жиналған рухани шараға Жылыой ауданының әкімі Азамат Бекет қатысты.
Кездесу барысында сөз алған Ардақ Назаров жиылған жастарға тарихтан тағылым айтып, билердің әділдігін, шешендердің сөз саптауын мысал етіп кәзіргі кезде әсіресе жастарға дүниеауи ілімнен гөрі рухани ілімнің маңызды екенін айтты.
Сонымен қатар ол өз өмір жолында кездескен түрлі оқиғаларды мысалға ала отырып, киелі даланы мекендеген бабаларымыздың жауынгерлік ерліктері туралы тарихи-шежіре қиссаларды жеткізіп, сол батырлардың есімдерін жиналған жұртшылыққа үлгі етті.
Өз кезегінде спортшы, ер азаматтардың қасиеттеріне тоқталып, кәзіргі кезде әлеуметтік мәселелердің шиеленісуінің көрінісіне мәрттігіміз бен бір бірімізге деген қамқорлығымыздың азайып кетуі осыларға кері әсерін тигізіп отырғанын тілге тиек етті.
