Абай туралы фильм түсіруге өтініш қаңтардың соңына дейін қабылданады

5efe4f52c7cb3d050706970b538a798e Жаңалықтар

Atr.kz/16 қаңтар, 2020 жыл.  Қазақтың ұлы ақыны және ойшылы Абай туралы фильм түсіру конкурсына қатысуға алты адамнан өтініш түсті, деп хабарлайды ҚазАқпарат Ұлттық киноны қолдау мемлекеттік орталығына сілтеме жасап.

«Ұлттық киноны қолдау мемлекеттік орталығы «Абай» деректі фильмін, сонымен қатар толық метражды картина түсіруге дайындалып жатыр. Ол үшін конкурс жарияланды.

2020 жылдың қаңтар айының соңына дейін барлық түскен өтініштер қаралып, Сараптамалық кеңестің қорытындысы бойынша ведомствоаралық комиссияға қосымша қарау үшін жіберіледі. Комиссия мүшелері шешім шығарады», – деді ҰКҚМО өндіріс бойынша басқарма төрағасының орынбасары Олжабай Мұсабеков.

 Оның айтуынша, фильм комиссия мүшелерінің ұсыныстарына сәйкес таңдалып, түсіріледі.

«Бүгінгі таңда конкурсқа қатысуға алты өтінім келіп түсті, оның ішінде фильм-опера, екі тарихи мелодрама, 30 сериядан тұратын деректі фильм, 15 сериялы қысқаметрлі фильм және тағы бір толықметражды фильм бар. Қосымша өтінімдерді күтеміз. Менің ойымша, қаңтардың соңына дейін бұдан да көп ұсыныстар болады», – дейді ол.

Орталық Қазақстан ақын, философ, ағартушы және ойшыл – ұлы Абайдың 175 жылдығын атап өтуге дайындалып жатқанын айтты. Мерейтойлық мерекелер Қазақстан Президенті Қасым-Жомарт Тоқаевтың бақылауында.

Мемлекет басшысы құрылған комиссияға ЮНЕСКО мен Халықаралық Түркі мәдениеті ұйымының қолдауымен Қазақстанда және одан тыс жерлерде 500-ге жуық мерекелік іс-шара ұйымдастыруға дайындықты бастауды тапсырды.

http://atr.kz/bez-rubriki/%d2%9baza%d2%9bty%d2%a3-bas-a%d2%9byny-abaj-turaly-teleserial-t%d2%afsiriledi/
http://atr.kz/bez-rubriki/%d2%9bartajsa%d2%a3-da-teatrdan-%d2%afjrene-beresi%d2%a3/
Баға берсеңіз
Атырау газеті
Пікір қалдырыңыз