Атырау «темекісіз бір күн» эстафетасын жолдады (+ВИДЕО)

ATR.TV Жаңалықтар Медицина Қоғам

Аtr.kz/17 сәуір, 2019 жыл. «Бір күніңді шылымсыз өткіз!» Осындай атаумен Атырауда ерекше акция басталды.

Атырау қаласындағы Сұлтан Бейбарыс мешітінің бастамасымен іске қосылған акция шылым шегетін азаматтарды бір күнін салауатты өмір салтымен өткізуге шақырады.

Акция аясында қала көшесін аралаған Сұлтан Бейбарыс мешітінің қызметкерлері мен жамағаты бастаған топ шылым шегіп тұрған азаматтармен сұхбат құрып, оларды бір күнін темекісіз өткізуге шақырды.

Ерекшелік сол, акция кезінде азаматтарға темекіні өз еркімен қоқысқа тастау немесе сол темекіні ақысына тапсыру ұсынылды. Акция кезінде бір сағаттың ішінде  жиырма қорап темекі жиналды.

«Қасиетті Құрандағы «Мәида» сүресінде темекі шегу, арақ ішудің шайтанның лас істерінен екендігі айтылады. Темекі мен араққа тыйым салынған хадистер де көп. Денсаулық адамға берілген ең үлкен нығметтердің бірі. Сау кезімізде саулығымыздың қадірін білейік. Зиянды іске жұмсаған қаржыны балаларымызға немесе садақаға арнаған абзалырақ» дейді Сұлтан Бейбарыс мешітінің наиб имамы Нұрлан Жарқынбаев.

Осылайша, Атырау қазақстандықтарға темекісіз бір күн эстафетасын жолдап отыр.

Дереккөз: islam-atyrau.kz

Добавить комментарий

Ваш e-mail не будет опубликован. Обязательные поля помечены *