Атыраулықтар 3 күн бойы этно-қолөнерді тегін үйрене алады

Жаңа этностиль өнімдерін дайындау шеберлік сағатын танымал қазақстандық қолөнер шебері Ырза Тұрсынзада өткізеді,-деп хабарлайды Атырау облыстық Өңірлік коммуникациялар қызметі.

61b32ef4-02da-424a-8121-37f7672c8d32

Дизайнердің шеберлік сағаты «Ұлы даланың ұлттық дәстүрлері» Халықаралық форумы аясында өтеді.

Этно-қолөнерден шеберлік сағаты 14, 15 және 16 наурыз күндері Атырау облыстық тарихи-өлкетану музейінде болады. Шеберлік сағаты барлық қала тұрғындары мен қонақтары үшін тегін. Ал оған тіркелу шарттары этно-қолөнерші Ырза Тұрсынзаданың Instagram әлеуметтік желісіндегі жеке парақшасында көрсетілген.

Айта кетейік, қолөнерші өткен жылы Атырауда кесте, ою, киіз өнерінің заманауи түрінен шеберлік сағатын өткізген болатын.

240d4f0a-be77-4e33-8f5e-485961f7789c

Ырза Тұрсынзада «Құрмет» орденінің және «Халықтың сүйіктісі» номинациясының иегері, «Алтын сапа» сыйлығын жеңіп алған. «Алтын орда» авторлық дизайн үйінің негізін қалаушы. Шебер басшылық ететін сән үйі этнобезендіруге арналған жұмсақ жиһаз өндірісімен де айналысады. Сондай-ақ, сән үйі 4 жыл қатарынан «Қазақстанның үздік тауарлары» байқауында жеңімпаз атанған.

Айқара Ғұмар

Оставить комментарий

Ваш email нигде не будет показанОбязательные для заполнения поля помечены *

*