Атырауда шалғайдағы елді мекендерді газдандыру бойынша белсенді жұмыстар жүргізілуде

Атырауда шалғайдағы елді мекендерді газдандыру бойынша белсенді жұмыстар жүргізілуде. Жоба Мемлекет басшысының бес әлеуметтік бастамасы аясында іске асырылуда, деп хабарлайды өңірлік коммуникациялар қызметі.

IMG_1769-21-08-18-04-31

Қазіргі уақытта Атырау және Құлсары қалаларынан басқа өңірде 130 елді мекен газдандырылған. Бұл ретте қалған 34 шағын елді мекендерді газдандыру мәселесі қарастырылуда.

2017 жылы Құрманғазы ауданының Азғыр ауылдық округіне қарасты 10 елді мекенді газбен жабдықтау жұмыстары басталған болатын. Аталған аудандағы кенттер мен ауылдарды газдандыру жер қойнауын пайдаланушылардың әлеуметтік аударымдары есебінен жүргізіледі. Жобаның жалпы құны – 10 млрд теңге. Жоба аясында алыс орналасқан елді мекендерге ұзындығы 365 шақырым магистралдық газ құбырын төсеу жоспарлануда. Бүгінгі күні 274 шақырым газ құбыры желісі жүргізілді.

Сондай-ақ, Махамбет, Исатай және Қызылқоға аудандарының елді мекендерін газдандыру жұмыстары жүргізілуде. Мамандардың айтуынша, бұл жұмыстар аяқталғаннан кейін өңірдің елді мекендерінің 93,3%-ы көгілдір отынмен қамтамасыз етілетін болады.

Облыстық Энергетика және ТКШ басқармасы басшысының орынбасары Асан Нұрғалиевтың мәлімдеуінше, бүгінгі күні облыста ауылдарды газдандыру бойынша үш жоба іске асырылуда. Биылғы жылдың соңына дейін Махамбет ауданындағы Атамбай, Балаораз және Көздіқара ауылдарын газдандыру жұмыстары аяқталуы тиіс.

Сонымен қатар, 2019 жылы Қызылқоға ауданының алты ауылын газдандыру жоспарлануда. Қазіргі таңда жобаның ЖСҚ дайындалуда. Барлық жоспарланған жұмыстар аяқталғаннан кейін Атырау облысында 153 ауыл табиғи газбен жабдықталатын болады.

Оставить комментарий

Ваш email нигде не будет показанОбязательные для заполнения поля помечены *

*