Атырауда мамандандырылған ХҚКО құрылысы аяқталуы жақын

Атырау облысының әкімі Нұрлан Ноғаев жаңа нысанның құрылыс жұмысы барысымен танысты. Аймақ басшысы облыс орталығында салынып жатқан мамандандырылған ХҚКО мен оқушылар сарайының құрылысын тексерді.

WhatsApp Image 2018-10-19 at 13.10.35

Мамандандырылған ХҚКО құрылысы 90%-ға аяқталды, жыл соңына дейін пайдалануға беріледі.

Жаңа ХҚКО Атырау-Астрахан тас жолы бойынан бөлінген 4 га жер учаскесіне салынған. Мұнда автокөлік құралдарын тіркеу, тіркеу туралы куәлік пен мемлекеттік нөмір белгісін беру, жолда жүру ережелері, автокөлік жүргізу бойынша теориялық және тәжірибелік емтихандар қабылдау, жүргізушілік куәлік дайындау және беруді жүзеге асырады. Соның нәтижесінде екі сағат ішінде автокөлікті тіркеп, жүргізушілік куәлік алуға мүмкіндік болады.

– Мамандандырылған ХҚКО ашылған кезде Нұрсая ықшамауданындағы полиция бөлімшесінің жұмысы жеңілдейді, тіркеу-емтихан алу бөлімі жаңа нысанға көшеді. Аталған полиция бөлімшесіне көлік көп баратындықтан, көлік тығыны көп болатын, – дейді Азаматтарға арналған үкімет мемлекеттік корпорациясы КЕ АҚ Атырау облысы бойынша филиалының ди⁠ректоры Мұса Хайруллиев.

Жаңа орталықтың сыйымдылығы 800 адам, ғимарат екі қабатты және жертөле қабаты бар. Сондай-ақ, жеңіл автокөліктерге арналған 200 орын, жүк көліктеріне арналған 20 орын бар. Ал 20 орын мүмкіндігі шектеулі адамдарға арналған. Автодром, мотодром, автокөлікті техникалық байқаудан өткізу ғимараты, екі бақылау-өткізу бөлімшесі де бар.

WhatsApp Image 2018-10-19 at 13.10.34

Облыс әкімі барған екінші нысан – жастар мен оқушылар сарайы. Нысан әуежайға барар жолдың сол қапталында, Мұз сарайының оңтүстік-шығыс бетінде орналасқан. Учаске аумағы 3,5 га.

Сарай ғимараты төрт қабатты, жертөле қабаты мен техникалық ғимараттан құрады. Жаңа жастар мен оқушылар сарайында балалар мен жасөспірімдерді дамытуға барлық жағдай жасалады.

– Оқушылар мен жастар сарайы аймақтағы өскелең ұрпақтың жан-жақты дамуының нағыз орталығы болады. Мұнда облыстың барлық аудандарының балалары таланттарын шыңдай алады, Сарай тәрбиеленушілері өңірімізді халықаралық мәдени, ғылыми, спорттық шараларда лайықты көрсететіндеріне сенеміз, – деді Нұрлан Ноғаев.

Жұмыс сапарын қортындылаған облыс әкімі қарамағындағыларға барлық жүріп жатқан құрылыс жұмыстарын уақытында және сапалы аяқтауды тапсырды.

Оставить комментарий

Ваш email нигде не будет показанОбязательные для заполнения поля помечены *

*