Атырауда азық-түлік бағасы арзандады

Атырауда азық-түлік бағасы арзандады. Бұл туралы облыстық әкімдікте өткен жиналыста белгілі болды. Өңір басшысы Нұрлан Ноғаевтың төрағалығымен өткен жиында Ұлттық банктің Атырау филиалының директоры Айнұр Көшербаева баяндама жасады. Ол аймақтағы азық-түлік бағасының қазан айымен салыстырғанда арзандап, тұрақтанғанын жеткізді.

20171202140035

«Қазан айымен салыстырғанда инфляция төмендеді. Бұл жергілікті атқарушы органдар ұйымдастырған 6 жәрмеңкенің өтуімен байланысты болды. Бағаның түзетілуі қызылша, пияз, сəбіз сынды азық-түліктерге қатысты болды»,-деді ол.

Филиал директоры өңірде дедолларизацияның оң бағытта жүріп жатқанын да айтты.

«Былтырғы жағдаймен салыстырсақ, 1 қарашада ұлттық валютадағы салымдардың үлесі 28 проценттен 45 процентке дейін артты. Шетелдік валютадағы салымдар 71 пайыздан 54 пайызға дейін кеміді»,-деді директор. Бұл Атырау облысында ұлттық валютаға деген сенімнің күшейгендігімен түсіндірілді.

Айқара Ғұмар

Оставить комментарий

Ваш email нигде не будет показанОбязательные для заполнения поля помечены *

*