Атырауда қала күніне орай жаппай велошеру өтеді

Атырауда қала күніне орай жаппай велошеру өтеді. Шараға ниет білдіруші барлық адам қатыса алады, деп хабарлайды Атырау қаласы әкімдігінің баспасөз қызметі.

WhatsApp Image 2018-09-18 at 09.36.53

Бұл ауқымды спорттық шараны қалалық дене шынықтыру және спорт бөлімі, сондай-ақ, демеуші компаниялар ұйымдастырып отыр.

«Шараға кез-келген атыраулық өзінің велосипедімен қатыса алады. Жеңімпаздар бес номинация бойынша іріктеліп, демеушілер атынан арнайы сыйлықтар табысталады», – дейді қалалық дене шынықтыру және спорт бөлімінің басшысы Ринат Ибрагимов.

Велошеру қатысушыларын жинау және тіркеу сағат 8:30-дан 10:00-ге дейін М.Өтемісов атындағы облыстық драма театрының алдында өтеді. Ал, басталуы 10:00-ге жоспарланып, қатысушылар Сұлтан Бейбарыс алаңында шараны аяқтайды.

Айта кетейік, биылғы жылдың сәуір айында өткен “Bike Ride Atyrau – 2018” бірінші қайырымдылық велошеруіне 2 мыңнан астам велосипедші қатысқан еді. Шара Мемлекет басшысының «Болашаққа бағдар: рухани жаңғыру» бағдарламасын жүзеге асыру мақсатында ұйымдастырылып, облыс тарихындағы ең ауқымды оқиғалардың біріне айналған болатын.

Хорлан Смадияр

Оставить комментарий

Ваш email нигде не будет показанОбязательные для заполнения поля помечены *

*