Атырау облысының шұғыл қызметтері қысқы кезеңге дайын

Жаңалықтар Шаһар шырайы

24 қазан күні Атырау облысының әкімі Нұрлан Ноғаевтың төрағалығымен өңірді қысқы мерзімге дайындау жөніндегі штаб отырысы өтті.

WhatsApp Image 2018-10-25 at 11.01.06 (1)

Облыстық энергетика және тұрғын үй-коммуналдық шаруашылық басқармасының басшысы Мұрат Иғалиевтің мәліметі бойынша, тұрғын үй-коммуналдық шаруашылық объектілерінің басым бөлігі орталық жылумен қамтамасыз етілген.

«Биылғы жылы Атырау жылу электр орталығы жүйелеріне «Балықшы» ықшам ауданындағы 47 көпқабатты тұрғын үй қосылды. Алты үйдің тұрғындары бұл қызметтен бас тартып, газ қазандықтары арқылы жылу алады. Сондай-ақ, орталықтандырылған жылумен қамтамасыз етуге «Нұрсая» ықшам ауданындағы 27 көпқабатты тұрғын үй қосылды, қалған 16 тұрғын үйді келесі жылы қосуды жоспарлап отырмыз», – деді Мұрат Иғалиев.

Объектілерді қысқы маусымға дайындау үшін 8,4 млрд. теңге бөлінген. Оның 5,8 млрд. теңгесі жергілікті бюджеттен қарастырылған. Осылайша, жылу және электрмен қамтамасыз ететін кәсіпорындар үлкен жұмыс атқарып отыр. Облыс бойынша 22,78 шақырым жылумен жабдықтау жүйесі, 773,2 шақырым электр желілері, 3 шақырым сумен жабдықтау және кәріз жүйелері жөнделді.

Өңірді сумен жабдықтау жүйесі бойынша маңызды шешім қабылданды. Жақын арада бұл жүйелер «АтырауСуАрнасы» КМК-не берілетін болады.

«Неге біз мұндай шешім қабылдадық? Су беруді ұйымдастыру үшін сенімді басқаруға берілген көптеген объектілер тиісті түрде жұмыс істемейді. Тұрғындар қажетті көлемде су ала алмайды, су жинау ұйымдастырылған жоқ, пайдалануда қиындықтар бар, жұмысқа техникалық сауатсыз адамдар тартылады. Сондықтан, сумен қамтамасыз ету жүйелерін «АтырауСуАрнасының» мамандандырылған кәсіпорнының теңгеріміне беру туралы шешім қабылданды», – деп атап өтті Нұрлан Ноғаев.

«ҚазТрансГазАймақ» АҚ Атырау өндірістік филиалының ди⁠ректоры Мақсот Әбуов жылу беру маусымына дайындығы туралы баяндап, газбен жабдықтау жүйелерін пайдалану қауіпсіздігі туралы мәселе қозғады. Бүгінде өңірде газ техникалық инспекциясын құру мәселесі өткір тұр. Қазіргі таңда мұндай ұйымдар бірнеше облыста ғана жұмыс істейді. Алайда, бұл мәселеде нормативтік база бойынша нюанстар бар, тиісінше, ол осы құрылымдарды құру процесін созады.

«Біз адамдардың қауіпсіздігі туралы ойлауға тиіспіз. Бұл – біз үшін ең бастысы. Ал ертең трагедия болса? Газ техникалық инспекцияны қысқа мерзімде де құру қажет. Егер заңнамалық базада проблемалық мәселелер болса, біз мәселені депутаттар арқылы шешуіміз керек», – деп атап өтті облыс әкімі.

Кеңесте сондай-ақ облыстық жолаушылар көлігі және автомобиль жолдары басқармасының басшысы, «ҚазАвтоЖол» Атырау филиалының өкілі сөз сөйледі. Баяндамашылар қабылданған шаралар туралы, жергілікті және республикалық ауқымдағы автотрассалардағы қысқы кезеңге дайындық туралы айтты.

«Сіздің баяндамаңыз бойынша өңір қысқы мерзімге дайын деп шешім қабылдауға болады. Ол қиындықтарсыз және төтенше жағдайларсыз өтуі тиіс. Тағы да еске салып өтейін, тұрғындардың қауіпсіздігі – біздің басты басымдығымыз. Барлық қызметтер төтенше жағдайлар туындаған кезде жедел және үйлесімді әрекет етуі тиіс», – деп қорытындылады Нұрлан Ноғаев.

Добавить комментарий

Ваш e-mail не будет опубликован. Обязательные поля помечены *