Осындай атаумен Назарбаев Зияткерлік мектебінде Астана күніне орай кешенді іс-шаралар өтуде. Солардың бірі – арнайы апталық аясында «Самғау» отбасы оқырмандар клубы ұйымдастырған поэзия кеші.
Шараға мектеп ұстаздары, оқушылар және «Самғау» отбасы оқырмандар клубының мүшелері, білім ұясының өскелең жастары мен ата-аналары қатысты.
Шара барысында жүрекжарды өлеңдерін оқыған жас таланттар ару қала Астананы ұлықтады. Оқушыларды поэзиямен сусындатып, Отанын қастерлеуге шақыруды мақсат тұтқан поэзия кешінде «Самғау» отбасы оқырмандар клубының жетекшісі Ибатолла Ерғалиұлы мектеп кітапханасына жаңа әдебиеттерді сыйға тартып, ақжарма тілектері өрнектелген алғыс хатын ұсынды.
Бақытгүл ӘДІЛБЕКҚЫЗЫ
