Асанәлі Әшімов еңбек ері атанды

Мемлекет басшысы театр және кино актері, режиссер Асанәлі Әшімовке «Қазақстанның Еңбек Ері» атағын берді. Бұл туралы Ақорданың Twitter желісіндегі ресми парақшасында хабарланды.

da2d1fc0-36f2-4291-97fd-3492fa034179

КССР мен Қазақстанның еңбек сіңірген әртісі, мемлекеттік сыйлықтардың лауреаты Асанәлі Әшімов көптеген рөлдері арқылы Қазақстанның танымал актеріне айналған. Әйгілі «Қыз Жібек» көркем фильмінен басталған киноиндустриядағы кесек образдары мен театр сахналарындағы теңдессіз актерлік шеберлігі арқылы аты аңызға айналған тұлға таяуда сексен жасқа толған-ды.

Көрнекті актер, режиссер, өнер қайраткері, Халықаралық фестивальдердің бірнеше мәрте жүлдегері, «Парасат», «Отан» ордендерінің иегері, Қазақстан Жазушылар Одағының мүшесі, М.Әуезов атындағы Қазақ Мемлекеттік академиялық драма театрының көркемдік жетекшісі, Қазақстан Театрлар Ассоциациясының төрағасы, ұлттық сахна өнерінің өркендеуіне зор  үлес қосқан Асанәлі Әшімов – ұлағатты ұстаз, еліміздегі бірнеше жоғары оқу орындарының құрметті профессоры.

Өз тілшіміз

Оставить комментарий

Ваш email нигде не будет показанОбязательные для заполнения поля помечены *

*