Атырауда әлеуетті инвесторларға жобалар портфелі дайындалуда

Атырау облысының әкімі Нұрлан Ноғаевтың тапсырмасымен мемлекеттік органдарда мемлекеттік-жекеменшік әріптестік жобалары бойынша жауапты мамандар бекітілді,-деп хабарлайды Атырау облыстық Өңірлік коммуникациялар қызметі.

ebaa7ca3-4f9f-4046-8c75-6828700bd79e

Атырау облысында 2017 жылы «Атырау қаласы көшелерін жарықтандыру құрылысы мен пайдалануға беру» және «Атырау облысында диагностика бойынша бағдарлама әзірлеу, арнайы мамандандырылған бағдарламалық және сандық рентгенографикалық жүйелермен жабдықтаудан тұратын өкпе туберкулезін ерте диагностикалауға арналған іс-шаралар кешенін әзірлеу, пайдалануға беру» жобалары жүзеге асырыла бастады.

2018 жылы Атырау қаласында балабақша, мектеп, ауысымына 250 қабылдауға арналған емхана, Ақсай селосында ауысымына 25 қабылдауға арналған  дәрігерлік амбулатория құрылысы басталады деп жоспарланып отыр. «Атырау қаласында 10 200 тонна көкөніс қоймасы мен 1 га. жылыжай салу, пайдалануға беру», «Атырау қаласында монша салу, пайдалануға беру», «Атырау облысы аудандарында қатты тұрмыстық қалдықтар полигонын салу, пайдалануға беру», «Атырау қаласындағы мектептерде тамақтануды ұсыну мен ұйымдастыруға халықаралық стандарттар енгізу» жобалары бойынша конкурстық құжаттама дайындау жұмыстары да жүруде.

Алдағы уақытта «Цифрлық Қазақстан» бағдарламасын жүзеге асыру аясында «Атырау қаласында бейнебақылау мен жолда жүру ережесін бұзғандарды фото-бейнетіркеу аппаратты-бағдарламалық кешенін құру, пайдалануға беру», «Құлсары қаласында сыртқы жарықтандыру желілері құрылысы», «Атырау қаласындағы мектептерде ақылды басқару жүйесін құру» жобалары іске асады деп күтілуде.

Оставить комментарий

Ваш email нигде не будет показанОбязательные для заполнения поля помечены *

*