АЛУҒА БОЛАТЫН АСУ

Брифингке қатынасушылар Жолдаудың экономикамен қатар, әлеуметтік салаға да негізделгенін, яғни, барлық көрсеткіштер халықтың әлеуметтік әл-ауқатын, еліміздегі өмір сүру сапасын арттыруға бағытталғанын сөз етті. Айтуларынша, қазақстандықтардың өмір сүру деңгейін жақсарту мен еліміздегі сапа стандарттарын арттыру үшін барлық жағдай жасалған. Демографиялық жағдайдың тұрақтылығы, халықтың сауаттылығы, қазақстандықтардың білім мен ғылымға құштарлығы – соған дәлел.
– Экономикалық жаңарту әлемнің дамыған 30 елінің қатарына кіруді мақсат етіп отырған Қазақстан үшін негізгі басымдық болмақ. Экономикалық жаңару өндіріс өнімділігінің өсуі, кәсіпкерліктің дамуы, ғылыми қамтымды экономиканың жаңа моделін қалыптастыру үшін инновациялар енгізу сияқты маңызды қағидаттарға негізделеді, – деді «Экономикалық зерттеулер институты» АҚ басқарма төрағасы.
Журналистер брифинг қонақтарына елдің қаржылық жағдайы, алынып жатқан шаралар турасында да сауалдар қойып, толымды жауаптар алды.

Азамат САНСЫЗБАЙҰЛЫ.

Оставить комментарий

Ваш email нигде не будет показанОбязательные для заполнения поля помечены *

*