Грант саны – 37 932!

Биыл  жоғары білім гранттарының саны 37 932-ге жетті. Бұл туралы тамыздың төрті күні жұмысын бастаған Білім гранттарын тағайындау жөніндегі республикалық конкурстық комиссия хабарлады.

Грант саны – 37 932!

Комиссияның міндеті – жоғары оқу орындарына қабылдау бойынша кешенді дайындықтың қорытындысын шығару. Оның ішінде 35 082 грант I курсқа қабылдау үшін (күндізгі оқу нысаны бойынша – 34 782, сырттай оқу нысаны бойынша 300 грант), 2850 орын жоғары оқу орындарының дайындық бөлімдері үшін бөлінді.

Техникалық ғылымдар мен технологиялық мамандықтарға – 13 670, педагогикалық мамандықтарға – 8 235, ауыл шаруашылығы мен ветеринарлық мамандықтарға – 2 682, медициналық мамандықтарға 3 150 грант қарастырылды.

Бұл ретте мемлекеттік білім беру тапсырысын орналастыруға жіберілген жоғары оқу орындарының тізімі кеңейтілген. Білім грантын тағайындау конкурсына 63 169 адам қатысуда, оның ішінде 49 858 адам  – қазақ тіліндегі оқу бөліміне, 13 311 адам орыс тіліндегі оқу бөліміне тапсырған. Айта кету керек, «Мәңгілік ел жастары – индустрияға!» жобасы шеңберінде квота бойынша оқуға 9 148 адам конкурсқа қатысуда.

Өз тілшіміз.

One comment

  1. Асем Жанатовна

    Гранттар саны айтарлықтай өсіпті. Енді ел үмітін жастарымыз ақтаса керемет даму сонда болады.

Leave a Reply

Your email address will not be published. Required fields are marked *

*