«Жасыл ел» еңбек жасағына қатысушы жастар археологиялық қазба жұмыстарына жұмылдырылуда

Атырау облысы «Жасыл ел» жасағын археологиялық қазба жұмыстарына тартқан бірінші аймақ болып отыр. Қазіргі таңда аталған бағдарлама бойынша 16-29 жас аралығындағы жастардың бес еңбек жасағы жұмыс жасауда. Олар – көгалдандыру, құрылыс, ауылшаруашылық, педагогикалық және археологиялық жасақтар.

IMG_8737-09-06-17-03-46

– «Жасыл ел» бағдарламасына археологиялық жасақтың қосылуы – үлкен жаңалық. Мұндай қадамға бүгінгі таңда тек Атырау облысы ғана барып отыр, – дейді облыстық жастар саясаты мәселелері басқармасының басшысы Жасұлан Бисембиев. – Облыс әкімі Нұрлан Ноғаев аталмыш бағдарламаға қатысатын жастардың санын 600-ден 2000-ға дейін көбейтуді тапсырды. Бұл үшін 140 миллион теңге бөлінді. Оның 39 миллионы – республикалық бюджеттен болса, қалған қаржымен жергілікті бюджет қамтамасыз етіп отыр. Мұндай қолдау студенттік жасақтардың қызметін кеңейтуге мүмкіндік берді.

Ағымдағы жылы 1 маусымнан бастап Қызылқоға ауданының Қарабау елді мекені аумағында 14 адамнан тұратын еңбек жасағы жұмысын бастады. Олар ескі қорғандарды қазып, Ұлы Жібек жолы бойында қалған тарихи құндылықтарды іздестіруде. Ал, шілде-тамыз айларында «Хан ордалы Сарайшық» қалашығы, Мақат ауданындағы «Таскешу – Керуен сарайы» көшпелі өркениет ескерткіші аумақтарында қазба жұмыстарын жүргізу жоспарланып отыр.

Айгүл ЕРТІЛЕУ

Leave a Reply

Your email address will not be published. Required fields are marked *

*