9 мамырдағы жағдай сайлау күні қайталанбайды

Ел жаңалықтары Жаңалықтар Қоғам

Аtr.kz/14 мамыр, 2019 жыл. Ақпарат және қоғамдық даму министрі Дәурен Абаев 9 мамыр күні әлеуметтік желілердің бұғатталуына қатысты түсініктеме берді.

Абаев өзі басқаратын министрліктің байланысқа жауапты емес екенін атап өтті.

“Провайдерлер айтқандай, сол күні техникалық проблема болған. Ақпарат және қоғамдық даму министрлігі байланысқа жауап бермейді. Сондықтан мардымды ештеңе айта алмаймын”, – деп жауап берді министр журналистердің қойған сұрағына.

Дегенмен Абаевтың ойынша, 9 мамырдағы жағдай сайлау күні қайталанбайды.

“9 мамырда болған жағдай 9 маусымда қайталанбайды деп ойлаймын. Өйткені провайдерлер қазір бүкіл техникалық мәселені шешеді деген ойдамын”, – деді ол.

Еске сала кетсек, 9 мамыр күні әлеуметтік желілер бұғатталып, байланыс нашарлаған еді. Сондай-ақ, бірнеше сайтқа кіру мүмкін болмады.

Добавить комментарий

Ваш e-mail не будет опубликован. Обязательные поля помечены *