38 жасар азамат екі баласымен суға батып кетті

АПТА: түйін Аудан хабарлары Жаңалықтар

Атырау облысының Индер ауданында 38 жасар азамат екі баласымен бірге суға батып кетті. Қайғылы оқиға 27 тамыз күні, сағат 22:32-де болған. Бұл туралы редакциямызға облыстық төтенше жағдайлар департаментінің баспасөз қызметі хабарлады.

v-vko-snova-sluchilas-tragediya-na-vode

Баспасөз қызметіндегілердің айтуынша, Есбол селосының тұсындағы Жайықта қолдан жасалған қайықпен серуендеу кезінде 1979 жылы туған ер азамат 13 және 4 жастағы балаларымен өзен ортасына жеткенде, бір-бірін құтқару үшін суға секірген.

Салдарынан үшеуі де «тілсіз жаудың» құрбанына айналған. Қайғылы оқиғадан кейін, 28 тамыз күні, сағат 00:20-да жергілікті тұрғындардың күшімен 13 жастағы баланың денесі табылған. Ал, Батыс аумақтық аэроұтқыр жедел-құтқару жасағының қызметкерлері сағат 09:10-да ер азаматтың және 4 жастағы баланың өлі денесін су бетіне шығарыпты.

Сонымен қатар, 27 тамыз күні, сағат 18:30-да Индер ауданына қарасты Көктоғай селосында 17 жастағы жасөспірім суға батып кеткен. Бүгінде 2000 жылы туған Е.К.Кайратовты жедел-құтқару жасағы іздестіруде. Оған 2 техника және 3 құтқарушы жұмылдырылған.

Жалпы, жыл басынан бері Атырау облысындағы су айдындарында 15 қайғылы жағдай тіркеліп, 18 адам қаза тапқан. Соның ішінде сегізі бала болып отыр.

Нұрсұлтан ЕРТУҒАНҰЛЫ

Добавить комментарий

Ваш e-mail не будет опубликован. Обязательные поля помечены *