«100 жаңа оқулық» – баламасы жоқ бастама

Кеше Астанадағы Назарбаев орталығында «Қазақ тіліндегі 100 жаңа оқулық» жобасы аясында аударылған алғашқы кітаптардың таныстырылымы басталды. Салтанатты шараға ҚР Президенті Нұрсұлтан Назарбаев қатысты.

c4ca4238a0b923820dcc509a6f75849b-3

Н.Назарбаевтың «Болашаққа бағдар: руxани жаңғыру» атты бағдарламалық мақаласының жарияланғанына бір жыл толып отыр. Соның ішінде «Жаңа гуманитарлық білім. Қазақ тіліндегі 100 жаңа оқулық» жобасы да бар. Осы уақытқа дейін аталған жоба аясында философия, дінтану, антропология және журналистика бойынша 18 кітап пен оқу құралы жарыққа шықты. Әрбір оқулық 10 мың данамен басылып, алдағы бір айдың ішінде жоғары оқу орындары мен кітапxаналарына таратылады. Биылдан бастап оқу бағдарламасына да енгізіледі. Сондай-ақ, барлық оқулықтардың электронды нұсқалары және соның негізінде әзірленген бейнедәрістер топтамасы Қазақстанның ашық университеті платформасы (OpenU.kz) арқылы таратылатын болады.

Өркениетке қосылған құндылық

Али ӘБІШЕВ, Атырау мұнай және газ университетінің ректоры, экономика ғылымдарының докторы, профессор: Елбасы өзінің «Болашаққа бағдар: рухани жаңғыру» атты мақаласында әлемге танымал шығармаларды қазақ тіліне аударып, баспадан шығару міндетін қойған еді.

Осынау жауапты да күрделі міндетті жүзеге асыру үшін үкіметтік емес және коммерциялық емес негізде жұмыс істейтін Ұлттық аударма бюросы құрылғаны белгілі. Міне, араға көп уақыт салмай, әлемдік деңгейдегі ғалымдар мен ойшыл-философтардың жазған таңдаулы кітаптары ана тілімізге аударылып, руханиятымызға жол тартып отыр.

Күні кеше жарық көрген алғашқы 18 оқулықтың тұсаукесер рәсіміне Мемлекет басшысының өзі қатысуы аталмыш жобаның мәні мен маңызының тым жоғары екендігін айғақтап тұрғандай.

Елбасы осы оқулықтар арқылы біздің ғалымдарымыз да қуат, серпін алып, тың ізденістерге бойлап, жаңа ғылыми еңбектер шығаруға мүмкіндік алатындығына сенім білдірді.

Жалпы, менің ойымша, «100 жаңа оқулық» жобасы отандық жоғары оқу орындарының өкілдеріне, ғалымдарға әлемдік деңгейдегі университеттердің жетістіктері мен тәжірибесімен кеңінен танысуға мол мүмкіндік береді. Сондай-ақ, бұлар болашақта экономикамызды, ғылым мен білімді, мәдениетімізді өркениетке бағыттауда тағылымдық, танымдық маңызы зор құнды оқулықтар болады деп ойлаймын.

Баламасы жоқ бастама

Өмірбек БЕКЕЖАН, философия ғылымдарының докторы: Мемлекет басшысы жариялаған «Болашаққа бағдар: руxани жаңғыру» атты бағдарламалық мақаласы ел дамуына тың серпін берді. Соның бірі – «Жаңа гуманитарлық білім. Қазақ тіліндегі 100 жаңа оқулық» жобасы.

Ерекшелігі сол, әлемге танымал шығармалар тікелей қазақ тіліне аударылып отыр. Бұл біздің тәуелсіздік жылдары қалыптасқан интеллектуалды әлеуетімізді көрсетті. Бұл шығармалар АҚШ пен Ұлыбританияның университеттерінде кітаптардың үздік ондығына кіреді. Мысалы, Карен Армстронгтың 1994 жылы жазылған «Құдайдың тариxы» атты кітабы әлемнің 30 тіліне аударылып, Кембридж, Гарвард, Оксфорд және тағы басқа жетекші жоғары оқу орындарында кеңінен қолданылып келеді. Аударылған оқулықтардың ішінде Дерек Джонстонның «Философияның қысқаша тарихы. Сократтан Дерридаға дейін», Энтони Кеннидің «Батыс философиясының жаңа тарихы. Антика философиясы» І томы және «Батыс философиясының жаңа тарихы. Орта ғасыр философиясы» ІІ томы, Реми Хесстің «Философияның таңдаулы 25 кітабы», Дэвид Бринкерхоф, Роуз Уейтс, Сюзан Ортеганың «Әлеуметтану негіздері», Джордж Ритцер, Джеффри Степницкидің «Әлеуметтану теориясы» және тағы да басқа таңдаулы шығармалар бар. «100 жаңа оқулық» жобасының маңыздылығы да осында жатыр.

Айқара Ғұмар

Оставить комментарий

Ваш email нигде не будет показанОбязательные для заполнения поля помечены *

*